Satires

Horace

Horace. The Works of Horace. Vol. II. Smart, Christopher, editor. Philadelphia: J. Whetham, 1836.

  1. sepositi ciceris nec longae invidit avenae,
  2. aridum et ore ferens acinum semesaque lardi
  3. frusta dedit, cupiens varia fastidia cena
  4. vincere tangentis male singula dente superbo,
  5. cum pater ipse domus palea porrectus in horna
  6. esset ador loliumque, dapis meliora relinquens.
  7. tandem urbanus ad hunc “quid te iuvat” inquit, “amice,
  8. praerupti nemoris patientem vivere dorso?
  9. vis tu homines urbemque feris praeponere silvis?
  10. carpe viam, mihi crede, comes, terrestria quando
  11. mortalis animas vivunt sortita neque ulla est
  12. aut magno aut parvo leti fuga: quo, bone, circa,
  13. dum licet, in rebus iucundis vive beatus,
  14. vive memor, quam sis aevi brevis.” haec ubi dicta
  15. agrestem pepulere, domo levis exsilit; inde
  16. ambo propositum peragunt iter, urbis aventes
  17. moenia nocturni subrepere. iamque tenebat