Epodi

Horace

Horace. Q. Horati Flacci Carmina. Vollmer, Friedrich, editor. Leipzig: Teubner, 1912.

  1. utrumne iussi persequemur otium
  2. non dulce, ni tecum simul,
  3. an hunc laborem mente laturi, decet
  4. qua ferre non mollis viros?
  5. feremus et te vel per Alpium iuga
  6. inhospitalem et Caucasum
  7. vel occidentis usque ad ultimum sinum
  8. forti sequemur pectore.
  9. roges, tuom labore quid iuvem meo,
  10. inbellis ac firmus parum?
  11. comes minore sum futurus in metu,
  12. qui maior absentis habet:
  13. ut adsidens inplumibus pullis avis
  14. serpentium adlapsus timet