Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • tutus bos etenim rura perambulat,
  • nutrit rura Ceres almaque Faustitas,
  • pacatum volitant per mare navitae;
  • culpari metuit fides,
  • nullis polluitur casta domus stupris,
  • mos et lex maculosum edomuit nefas,
  • laudantur simili prole puerperae,
  • culpam poena premit comes.
  • quis Parthum paveat, quis gelidum Scythen,
  • quis Germania quos horrida parturit
  • fetus incolumi Caesare? quis ferae
  • bellum curet Hiberiae?
  • condit quisque diem collibus in suis
  • et vitem viduas ducit ad arbores;
  • hinc ad vina redit laetus et alteris
  • te mensis adhibet deum;