Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • iure sollemnis mihi sanctiorque
  • paene natali proprio, quod ex hac
  • luce Maecenas meus adfluentis
  • ordinat annos.
  • Telephum, quem tu petis, occupavit
  • non tuae sortis iuvenem puella
  • dives et lasciva tenetque grata
  • compede vinctum.
  • terret ambustus Phaethon avaras
  • spes et exemplum grave praebet ales
  • Pegasus terrenum equitem gravatus
  • Bellerophontem,
  • semper ut te digna sequare et ultra
  • quam licet sperare nefas putando
  • disparem vites. age iam, meorum
  • finis amorum,
  • (non enim posthac alia calebo
  • femina) condisce modos, amanda
  • voce quos reddas: minuentur atrae
  • carmine curae.