Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • Quantum distet ab Inacho
  • Codrus pro patria non timidus mori
  • narras et genus Aeaci
  • et pugnata sacro bella sub Ilio:
  • quo Chium pretio cadum
  • mercemur, quis aquam temperet ignibus,
  • quo praebente domum et quota
  • Paelignis caream frigoribus, taces.
  • da lunae propere novae,
  • da noctis mediae, da, puer, auguris
  • Murenae: tribus aut novem
  • miscentur cyathis pocula commodis.
  • qui Musas amat imparis,
  • ternos ter cyathos attonitus petet
  • vates; tris prohibet supra
  • rixarum metuens tangere Gratia