Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • cur invidendis postibus et novo
  • sublime ritu moliar atrium?
  • cur valle permutem Sabina
  • divitias operosiores?
  • Angustam amice pauperiem pati
  • robustus acri militia puer
  • condiscat et Parthos ferocis
  • vexet eques metuendus hasta
  • vitamque sub divo et trepidis agat
  • in rebus. illum ex moenibus hosticis
  • matrona bellantis tyranni
  • prospiciens et adulta virgo