Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • te suis matres metuunt iuvencis,
  • te senes parci miseraeque nuper
  • virgines nuptae, tua ne retardet
  • aura maritos.
  • Non semper imbres nubibus hispidos
  • manant in agros aut mare Caspium
  • vexant inaequales procellae
  • usque nec Armeniis in oris,
  • amice Valgi, stat glacies iners
  • mensis per omnis aut Aquilonibus
  • querceta Gargani laborant
  • et foliis viduantur orni:
  • tu semper urges flebilibus modis
  • Mysten ademptum nec tibi Vespero
  • surgente decedunt amores
  • nec rapidum fugiente solem.
  • at non ter aevo functus amabilem
  • ploravit omnis Antilochum senex
  • annos nec inpubem parentes
  • Troilon aut Phrygiae sorores