Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  • circa virentis est animus tuae
  • campos iuvencae nunc fluviis gravem
  • solantis aestum, nunc in udo
  • ludere cum vitulis salicto
  • praegestientis. tolle cupidinem
  • inmitis uvae: iam tibi lividos
  • distinguet autumnus racemos
  • purpureo varius colore.
  • iam te sequetur (currit enim ferox
  • aetas et illi quos tibi dempserit
  • adponet annos), iam proterva
  • fronte petet Lalage maritum
  • dilecta, quantum non Pholoe fugax,
  • non Chloris albo sic umero nitens
  • ut pura nocturno renidet
  • luna mari, Cnidiusve Gyges,
  • quem si puellarum insereres choro,
  • mire sagacis falleret hospites
  • discrimen obscurum solutis
  • crinibus ambiguoque voltu.