Odes

Horace

Horace, Odes and Epodes. Shorey, Paul,editor; Laing, Gordon Jennings, joint editor. Chicago: B.H. Sanborn and Company, 1919.

  1. et domus exilis Plutonia; quo simul mearis,
  2. nec regna vini sortiere talis
  3. nec tenerum Lycidan mirabere, quo calet iuventus
  4. nunc omnis et mox virgines tepebunt.
  • Quis multa gracilis te puer in rosa
  • perfusus liquidis urget odoribus
  • grato, Pyrrha, sub antro?
  • cui flavam religas comam
  • simplex munditiis? heu quotiens fidem
  • mutatosque deos flebit et aspera
  • nigris aequora ventis
  • emirabitur insolens
  • qui nunc te fruitur credulus aurea,
  • qui semper vacuam, semper amabilem
  • sperat, nescius aurae
  • fallacis. miseri, quibus
  • intemptata nites. me tabula sacer
  • votiva paries indicat uvida
  • suspendisse potenti
  • vestimenta maris deo.