Suidae lexicon

541 Τητᾶϲθαι: ϲτερίϲκεϲθαι. Σοφοκλῆϲ· τοιαῦτ᾿ ἀκούϲαϲ κἀξονειδιϲθεὶϲ [*](Soph.) κακὰ πλέω πρὸϲ οἴκουϲ, τῶν ἐμῶν τητώμενοϲ πρὸϲ τοῦ κακίϲτου κἀκ κακῶν Ὀδυϲϲέωϲ. καὶ αὖθιϲ· οὗ τητώμεναι, τολοιπὸν ἤδη τοῦ βίου διάξετε

542 Τῆτεϲ καὶ Τῆτα: τούτῳ τῷ ἔτει, ἐπʼ ἔτοϲ. ἐγελᾶτ᾿, ἀνθ᾿ [*](Ar.) ὧν Ὑπέρβολον ἔλαχε τῆτεϲ ἱερομνημονεῖν. Ἀριϲτοφάνηϲ Νεφέλαιϲ. τοῦτο οἱ Δωριεῖϲ τᾶτεϲ λέγουϲι, καὶ διὰ τοῦ δ τῆδεϲ.

543 Τητινή: χθεϲινή. καὶ οὐδέτερον Τητινόν.

544 Τητώμενον: ϲτεριϲκόμενον.

545 Τηϋϲίη: ματαία.

546 Τί: οἱ ἀπὸ τῆϲ Στοᾶϲ τοῦτο τὸ τί γένοϲ τοῦ ὄντοϲ τίθενται· τὸ γὰρ τί δῆλον ὅτι καὶ ὄν. εἰ δὲ ὄν, τὸν τοῦ ὄντοϲ ἀναδέχοιτο ἂν λόγον. διὸ καὶ γενικώτερον αὐτό φαϲιν εἶναι, κατηγορούμενον οὐ κατὰ ϲωμάτων μόνον ἀλλὰ καὶ κατ᾿ ἀϲωμάτων.

547 Τιάρα: κόϲμοϲ ἐπικεφάλαιοϲ, ἣν οἱ βαϲιλεῖϲ μόνοι ὀρθὴν ἐφόρουν παρὰ Πέρϲαιϲ, οἱ δὲ ϲτρατηγοὶ κεκλιμένην. καὶ Δημάρατοϲ ὁ Λακεδαιμόνιοϲ, ὃϲ δὴ μετὰ Ξέρξου ἦλθεν ἐπὶ τὰϲ Ἀθήναϲ, ἐπί τινοϲ εὐημερίαϲ ϲυγχωρήϲαντοϲ αὐτῷ τοῦ βαϲιλέωϲ ὃ θέλει αἰτήϲαϲθαι, ᾐτήϲατο ἐν ὀρθῇ τῇ τιάρᾳ εἰϲ Σάρδειϲ εἰϲελάϲαι· ὡϲ Φύλαρχοϲ εν ι΄. τὸ δ’ αὐτό φαϲιν εἶναι καὶ κίταριν. Θεόφραϲτοϲ δ’ ἐν τῷ Περὶ βαϲιλείαϲ Κυπρίων τὴν κίταριν, ὡϲ διάφορον.

548 Τιαρηφόροϲ.

549 Τὶ βαιόν: ἀντὶ τοῦ οὐδὲ ὀλίγον. Σοφοκλῆϲ· τὶ βαιὸν οὕτωϲ [*](Soph.) ἐντρέπῃ τῆϲ ϲυμμάχου.

550 Τιβέριοϲ, φιλόϲοφοϲ καὶ ϲοφιϲτήϲ. Περὶ ἰδεῶν λόγου βιβλία γ΄, [*](Hesy.) Περὶ παραϲκευῆϲ, Περὶ μεταποιήϲεωϲ, Περὶ ἱϲτορίαϲ, Περὶ λόγου τάξεωϲ καὶ ϲυνθέϲεωϲ, Περὶ διαιρέϲεωϲ λόγου, Περὶ μεταβολῆϲ λόγου πολιτικοῦ, Περὶ λόγων ἐπιδεικτικῶν, Περὶ προλαλιῶν καὶ προοιμίων, Περὶ ἐπιχειρημάτων, Περὶ Δημοϲθένουϲ καὶ Ξενοφῶντοϲ, Περὶ Ἡροδότου καὶ Θουκυδίδου.

551 Τιβέριοϲ, Ὀκταβίου υἱόϲ, βαϲιλεὺϲ Ῥωμαίων, ἐμπλήκτωϲ καὶ ἀνοήτωϲ τὴν ἀρχὴν διῳκήϲατο, φοβερᾷ μὲν ὠμότητι, μυϲαρά δὲ καὶ ἀθέϲμῳ πλεονεξίᾳ αἰϲχρᾷ τε ἡδυπαθείᾳ χρηϲάμενοϲ. ϲτρατείαν μὲν γὰρ ἅπαϲαν αὐτὸϲ ἠρνήϲατο, διὰ δὲ τῶν ὑποϲτρατήγων γλίϲχρωϲ καὶ ῥᾳθύμωϲ τοῖϲ ἐναντίοιϲ προϲπολεμῶν. κακοήθηϲ δὲ ὢν ἔϲτιν οὓϲ τῶν ϲυμμάχων βαϲιλέων τῶν οἰκείων ἀρχῶν ἀπάτῃ μετελθὼν ἀφείλετο· ὧν Ἀρχέλαοϲ ἦν ὁ Καππαδόκων βαϲιλεύϲ, ὃν ἠπίοιϲ καὶ θεραπευτικοῖϲ καλέϲαϲ ὡϲ ἑαυτὸν λόγοιϲ, οὐκέτι πρὸϲ τὴν οἰκείαν ἀπονοϲτῆϲαι ϲυνεχώρηϲεν, ἀλλ’ ἐπαρχίαν τὴν Καππαδοκίαν ἀπέφῃνε καὶ τὴν μεγίϲτην τῶν τῇδε πόλεων Μάζακα ἔμπροϲθεν ὑπὸ τῶν ἐποίκων ὀνομαζομένην, μαζομένην, ἀφʼ ἑαυτοῦ φέρειν τὴν προϲηγορίαν ἐπέταξεν· ἥπερ δὴ καθ’ ἡμᾶϲ Καίϲαρόϲ ἐϲτιν ἐπώνυμοϲ. ἐϲ γῆραϲ δὲ ὅμωϲ μακρὸν προελθὼν θνήϲκει.

552 Τιβέριοϲ, βαϲιλεὺϲ Ῥωμαίων. οὗτοϲ ἰδιωτάτῃ φύϲει ἐκέχρητο· [*](EV) οὔτε γὰρ ὧν ἐπεθύμει προϲεποιεῖτό τι καὶ ὧν ἔλεγεν οὐδενὸϲ εἰπεῖν ἐβούλετο· ἀλλ᾿ ἐναντιωτάτουϲ τῇ προαιρέϲει τοὺϲ λογιϲμοὺϲ ποιούμενοϲ, πᾶν ὃ ἐπόθει ἠρνεῖτο καὶ πᾶν ὃ ἐμίϲει προϲετίθετο. τοὺϲ περιϲϲὰ ἐπαίρονταϲ ἄρχονταϲ ἐκόλαζε, λέγων, κείρεϲθαί μου τὰ πρόβατα, ἀλλ’ οὐ ξυρᾶϲθαι βούλομαι. οὕτω δὲ ἦν ἴϲοϲ, ὥϲτε ὀρχηϲτήν τινα ποτὲ ἐλευθερωθῆναι βουληθέντα, μὴ πρότερον ϲυνεπαινέϲαι, πρὶν τὸν δεϲπότην αὐτοῦ πειϲθῆναι καὶ τὴν τιμὴν λαβεῖν. τοῖϲ γὰρ ἑταίροιϲ ἐν ἰδιωτείᾳ ἦν καὶ ϲυνηγωνίζετο, φρουρὰν μὴ ἐπαγόμενοϲ. καὶ παρήγγειλε ϲηρικῇ ἐϲθῆτι μὴ χρῆϲθαί τινα. αἰφνιδίωϲ δὲ εἰϲ τὴν χείρονα [*](549 Soph. Ai. 90 c. sch. 551 Io. Antioch fr. 79b, FHG 4, 571 cf. Eutrop. 123 552 Io. Antioch. fr. 79, FHG 4, 569 ═ EV 1, 176, 10 — 177, 9, 30 147, 2; fr. trag. ad. 513) [*](551 cf. v. 1201) [*](l Τιαρηφόρον A 2 Σοφοκλῆϲ om. G 3 ϲυμμαχίαϲ V 4 φιλόλογοϲ A( GVM) Hemst., oblocutus Bhd. 6 καὶ] Περὶ V 7 ποιητικοῦ V λαλιῶν Bhd. 8 Περὶ tert. — 10 υἱὸϲ om. V 12 ϲτρατείαν Port.; ϲτρατιάν omnes 14 προϲπολεμῶν] verbum finitum desiderat Bhd. ἔϲτιν in fine vers. om. V 15 βαϲιλεῖϲ in lac. G, cp. M 16 ἠπίοιϲ — 17 οἰκείαν om. V 18 παρεχώρηϲεϲ G ἐπαρχου V ὑπαρχίαν A 21 ὅμωϲ — 22 θνήϲκει] μακρὸν ἐλάϲαϲ ἀποθνήϲκει V 24 γὰρ om. G οὐδενὸϲ AV, Exc.: οὐδὲν GMγρ οὐδενὶ M οὐδὲν ὡϲ Vales. εἰπεῖν] ποιεῖν GMγρ 26 ὃ utrob.] ὃ ἂν utrob. V ἐμέϲει V ἐμίϲει τούτῳ GM 29 ἐλευθερωθῆναι] ἐλευθερὸν αὐτοῦ γενέϲθαι V 30 τοῖϲ — 31 παρήγγειλε] παρήγγειλε δὲ V 32 χρήϲαϲθαι V)

553 Τιβέριοϲ, ἐν Κωϲταντινουπόλει βαϲιλεὺϲ Ῥωμαίων· ὃν ϲυνίϲτηϲιν Ἰουϲτῖνοϲ ἄνδρα πρᾶον ὁμοῦ καὶ φιλάνθρωπον, κρείττονα λημμάτων καὶ χρημάτων ἀφρόντιδα, τοῦτο μόνον εὐδαιμονίαν ἡγούμενον, τὸ τεθηλέναι τε καὶ ἐϲ μέγα πλούτου κομᾶν τὸ ὑπήκοον, τὴν κοινὴν τῶν ἀνθρώπων μακαριότητα πάγκαλον καὶ ἀϲύλωτον θηϲαυρὸν λογιζόμενον· ὃϲ τὸν ὄγκον τῆϲ τυραννίδοϲ μιϲήϲαϲ καὶ πρὸϲ τὸ φιλόϲτοργον τῶν ὁμοφύλων ἀναδραμὼν εἵλετο βαϲιλεύειν αὐτῷ τὸ ὑπήκοον ἢ τοὺϲ ἰθυνομένουϲ τυραννικώτερον ἀνδραποδίζεϲθαι, πατὴρ ἐθέλων ἢ δεϲπότηϲ ὑπὸ τῶν ὑπηκόων ἀναγορεύεϲθαι. ἄριϲτοϲ δὲ ὑπάρχων ἐν νεότητι καὶ πρὸϲ γῆραϲ ἐλθὼν αἰφνίδιον εἰϲ τὴν χείρονα μετεβλήθη γνώμην, ὥϲτε καὶ παραφρονεῖν αὐτὸν νομιϲθῆναι καὶ ὑπὸ δαίμονοϲ ἐλαύνεϲθαι πρὸϲ πᾶϲαν ἀνοϲιουργίαν τε καὶ μανίαν καὶ οἰϲτρηλαϲίαν, οὐ μόνον ἐν τοῖϲ κατὰ φύϲιν, ἀλλὰ καὶ ἐν τοῖϲ παρὰ φύϲιν, καὶ ἐν πάϲῃ ἀδικίᾳ καὶ τυραννίδι. οὕτω δὲ μεταπεϲὼν εἰϲ κακίαν καταϲτρέφει τὸν βίον.

554 Τιβεριέων δῆμοϲ.

555 Τιβία: ὅλη ἡ Φρυγία οὕτω καλεῖται.

556 Τί γὰρ δὴ δελφῖνι καὶ βοὶ φαϲι κοινὸν εἶναι, Σύλλᾳ τε καὶ φιλοϲόφοιϲ.

557 Τί γάρ με λυπεῖ τοῦθ᾿, ὅταν λόγῳ θανὼν ἔργοιϲι ϲωθῶ κἀξενέγκωμαι κλέοϲ; δοκῶ μὲν ὡϲ οὐδὲν ῥῆμα ϲὺν κέρδει κακόν. ἤδη γὰρ εἶδον πολλάκιϲ καὶ τοὺϲ ϲοφοὺϲ λόγῳ μάτην θνήϲκονταϲ, τοῖϲ δ’ ἔργοιϲ [*](Ar.) οὔ. Ἀριϲτοφάνηϲ· τί γάρ ϲε πέφευγ᾿, ὅϲα χρὴ ϲοφὸν ἄνδρα; τί δ’ οὐ ϲὺ φρονεῖϲ, ὁπόϲα χρεών ἐϲτι τὸν ϲοφῇ δόκιμον φρενί, πορίμῳ τόλμῃ. τουτέϲτι τί ϲε πέφευγε; τί γὰρ οὐ ποιεῖϲ, ὅϲα χρὴ τοὺϲ ἐπιϲτήμοναϲ; πορίμῳ δὲ ἀντὶ τοῦ εὐπόρῳ πρὸϲ τὸ ἐπινοεῖν.

558 Τιγιλλίων: ὄνομα κύριον.

559 Τίγριϲ: τὸ ζῷον. Τίγρηϲ δὲ ὄνομα ποταμοῦ.

560 Τί δʼ ἄλλο Μεγαροῖ: λείπει τό, ἢ τοῦτο τὸ ἀπολέϲαι ἡμᾶϲ [*](Ar.) ϲπουδάζειν;