Suidae lexicon

2143 Ποτώνη: ἀδελφὴ Πλάτωνοϲ τοῦ φιλοϲόφου.

2144 Ποῦ γῆϲ· ποῦ γῆϲ πέφευγεν; ἀντὶ τοῦ εἰϲ ποίαν γῆν, Ἀττικῶϲ.

2145 Πουλχερία, Ἀρκαδίου θυγάτηρ καὶ βαϲιλίϲ, ιε΄ ἐτῶν οὔπω [*](E) τυγχάνουϲα ἄριϲτα τὴν βαϲιλείαν διῴκει· ἐπαίδευϲε δὲ καὶ τὸν ἀδελφὸν θερδόϲιον. ϲοφωτάτη γὰρ οὖϲα καὶ θεῖον νοῦν κεκτημένη τήν τε ἰδίαν παρθενίαν θεῷ προϲανέθηκε καὶ τὰϲ ἀδελφὰϲ τὸ ὅμοιον πρᾶξαι ἐδίδαξεν. εἰϲ πάντα δὲ τὸν ἀδελφὸν ἐκανόνιζεν, ἦθόϲ τε καὶ λόγον, βάδιϲμα καὶ γέλωτα καὶ ἐνδυμάτων περιβολὴν καὶ ϲχῆμα καθέδραϲ καὶ ϲτάϲεωϲ βαϲιλικῶϲ ἐξεπαίδευϲε· πρὸ δέ γε ἁπάντων, τὴν εἰϲ τὸ θεῖον εὐϲέβεια αὐτὸν ἐπιμελῶϲ ἐδίδαϲκεν· ὡϲαύτωϲ δὲ καὶ περὶ τὰϲ ἀδελφὰϲ διεγένετο. πολλὰϲ δὲ ἐκκληϲίαϲ καὶ πτωχεῖα καὶ ξενῶναϲ καὶ μοναϲτήρια αὐτὴ κτίϲαϲα καὶ προϲόδουϲ ἀφώριϲε, καὶ πρὸϲ ἄλλοιϲ μυρίοιϲ κατορθώμαϲι πολλάκιϲ αὐτῇ καὶ τὸ θεῖον ἐφαίνετο. αἱ δὲ ἀδελφαὶ Ἀρκαθίᾳ καὶ Μαρίνα. ὁ δὲ φύϲει νωθρόϲ τε καὶ ἀπερίϲκεπτοϲ ἐϲ [*](EV) πάντα μὲν ὑπῆρχε, μάλιϲτα δὲ ἐϲ τοὺϲ ὑποβάλλονταϲ αὐτῷ χάρταϲ ἀπαραναγνώϲτωϲ ὑπέγραφεν. ὅπερ ἡ ϲοφωτάτη γνοῦϲά ποτε Πουλχερία ϲοφῶϲ ὑπῆλθεν αὐτόν, δωρεὰν ὑποβαλοῦϲα δῆθεν πρὸϲ δουλείαν τὴν ἑαυτοῦ γαμετὴν Εὐδοκίαν. ἣν καὶ καθυπογράψαϲ μὴ πρότερον ἀναγνοὺϲ ὕϲτερον δεινῶϲ ὠνειδίζετο παρὰ τῆϲ Πουλχερίαϲ. ὅτι Πουλχερία [*](Ε) ἐπὶ τοϲοῦτον ἐμίϲει τὸν Νεϲτόριον, ὡϲ τοὺϲ φιλοῦνταϲ ἐκεῖνον διαθρυλεῖν, ὅτι πορνείαν πρὸϲ τὸν ἀδελφὸν αὐτῆϲ Θεοδόϲιον τὸν βαϲιλέα διέβαλε Πουλχερίαϲ Νεϲτόριοϲ, καὶ διὰ τοῦτο οὕτωϲ ὑπ᾿ αὐτῆϲ ἐμιϲεῖτο· ἐλοιδόρει γὰρ αὐτὴν εἰϲ τὸν τότε μάγιϲτρον Παυλινὸν λεγόμενον.

2146 Πουλχερία· Πουλχερίαϲ τῆϲ ἀοιδίμου ϲτήλη ἵϲτατο ἐν τῇ Χαλκῇ, πληϲίον τοῦ παλατίου, ὡϲ πρὸϲ τὸν περίπατον.

2147 Ποῦ μήν: ποῦ δὴ οὖν;

2148 Ποῦϲ· ὁ ποῦϲ ἔχει δακτύλουϲ ις΄.

2149 Ποῦ ϲχήϲειν δοκεῖϲ: ἀντὶ τοῦ ποῦ ἀπάξαι τὴν ναῦν;

2150 Πώγων, πώγωνοϲ: Τροιζήνιοϲ λιμὴν οὕτω. καλούμενοϲ· ὅθεν [*](Δ + Pror) καὶ παροιμία ἐπὶ τῶν κακογενείων· ἐϲ Τροιζῆνα δὲ βαδίζειν. καὶ Ἀρϲτοφάνηϲ· κἀγώ γ᾿ Ἐπικράτουϲ οὐκ ὀλίγῳ καλλίονα πώγων᾿ ἔχω. [*](Ar.) οὗτοϲ γὰρ μέγαν πώγωνα ἔχων ἐκαλεῖτο Σακεϲφόροϲ καὶ ἐκωμῳδεῖτο εἰϲ δαϲύτητα. ἦν δὲ ῥήτωρ καὶ δημαγωγόϲ. καὶ Ἀριϲτοφάνηϲ φηϲίν· ἄναξ ὑπήνηϲ Ἐπίκρατεϲ ϲακεϲφόρε.

2151 Πωγωνίαϲ: ὁ μέγαϲ πώγων.

2152 Πωγωνιήτηϲ: ὁ Ζεύϲ. καὶ Πωγωνίτηϲ.

2153 Πώεα: ποίμνια.

2154 Πωλάϲ: ἀντὶ τοῦ πρᾶϲιϲ. Ὑπερίδηϲ. ἔϲτι τὸ ὄνομα καὶ ἐν τοῖϲ Σώφρονοϲ Ἀνδρείοιϲ.

2155 Πωλέϲκετο: ἀνεϲτρέφετο. καὶ Ὅμηροϲ· πωλεῖταί τιϲ γέρων.

2156 Πωλεύτικόϲ.

2157 Πωλεία χαίτη.

2158 Πώληϲ: ὁ Ἀριϲτοφάνηϲ τὸ τέλοϲ τοῦ ὀνόματοϲ παίζν λέγει, παρὰ τὸ ἀποδίδοϲθαι καὶ πωλεῖν τοὺϲ πολιτευομένουϲ τὰ τῆϲ πόλεωϲ πράγματα, οἷον προβατοπώληϲ, ϲτυππειοπώληϲ, ἀλλαντοπώληϲ.

2159 Πωλητήϲ: ὁ πιπράϲκων. ἦν γὰρ ἐνταφίων πωλητήϲ. [*](Σ) καὶ Πωληταί· οὗτοι τῶν ὀφειλόντων τῷ δημοϲίῳ κατὰ προθεϲμίαν καὶ μὴ ἀποδιδόντων ἐπίπραϲκον τὰϲ οὐϲίαϲ. ὑπέκειντο δὲ τοῖϲ Πωληταῖϲ καὶ ὅϲοι τὸ διαγραφὲν ἀργύριον ἐν πολέμῳ μὴ εἰϲέφερον, ἔτι καὶ οἱ ξενίαϲ ἁλόντεϲ καὶ ὁ μέτοικοϲ καὶ προϲτάτρην οὐκ ἔχων καὶ ὁ ἀποϲταϲίου γραφείϲ· τούτων γὰρ τὰϲ οὐϲίαϲ πωλοῦντεϲ παρεκατέβαλον εἰϲ τὸ δημόϲιον.

2160 Πωληταὶ καὶ Πωλητήριοι· οἱ μὲν Πωληταὶ ἀρχή τίϲ ἐϲτιν Ἀθήνηϲι, δέκα τὸν ἀριθμὸν ἄνδρεϲ, εἷϲ ἐκ τῆϲ φυλῆϲ ἑκάϲτηϲ. δοκοῦϲι δὲ τὰ πιπραϲκόμενα ὑπὸ τῆϲ πόλεωϲ πάντα, τὰ τέλη καὶ μέταλα καὶ μιϲθώϲειϲ καὶ τὰ δημευόμενα. Πωλητηρὸν δὲ καλεῖται ὁ τόποϲ, ἔνθα ϲυνεδρεύουϲιν οἱ Πωληταί.

2161 Πωλητήριον: τὸ πρατήριον. οὕτωϲ Ὑπερίδηϲ.

2162 Πωλικῆϲ ἀπήνηϲ: ὑπὸ πώλων ἐζευγμένηϲ. κἀκὶ πωλικῆϲ [*](Anth.) ἀνὴρ ἀπήνϲ ἐμβεβώϲ, ξυνηντίαζε. καὶ Πωλικόν, τὸν τοῦ πώλου. ἐν Ἐπιγράμμαϲι· πάϊϲ δ᾿ ἴϲον ἀϲτέρι λάμπει, πωλικὸν ὡϲ ἵπποϲ χνοῦν ἀποϲειϲάμενοϲ.