Suidae lexicon

1162 Περιιϲτάμενοϲ: φεύγων. Ἰώϲηποϲ περὶ Μωϋϲέωϲ· περίϲτατο [*](Σ) γάρ, μὴ πολλοὶ τῆϲ τῶν λόγων ἀϲελγείαϲ αὐτοῦ μιμηταὶ [*](EV) γένωνται.

1163 Περιίϲταϲο: ἀντιλαβοῦ, περιϲκέπαϲον.

1164 Περιίϲτατο· τὸν ὄχλον γὰρ ἐκεῖνοϲ ἀεὶ καὶ τοὺϲ θορύβουϲ μάλιϲτα [*](Metaphr.) περιίϲτατο.

1165 Περίθετοϲ: πρόϲωπον. Ἀριϲτοφάνηϲ· ἥδιον μὲν οὖν κεφαλὴ [*](Ar.) περίθετοϲ, ἣν ἐγὼ νύκτωρ φορῶ. διαβάλλεται δὲ Ἀγάθων ἐπὶ μαλακίᾳ, ἵνα λανθάνῃ νυκτὸϲ ὡϲ γυνὴ καὶ πάϲχῃ.

1166 Περίθου: ὅπερ ἡμῖν ϲύνηθεϲ ἐπίθου λέγειν. Ἀριϲτοφάνηϲ· περίθου [*](Ar.) νῦν τόνδε πρότερον, πρὶν λέγειν. ἀντὶ τοῦ ϲτέφανον· ἔθοϲ γὰρ ἦν τοῖϲ λέγουϲι ϲτεφανοῦϲθαι πρῶτον.

1167 Περίθριξ: ὁ ἀπὸ γενετῆϲ πλόκαμοϲ, ὁ μηδέπω καρείϲ. ἔτι [*](call.) πλοκάμοιο περίθριξ.

1168 Περιθοῖδαι: δῆμοϲ τῆϲ Οἰνηΐδοϲ φυλῆϲ. ἀπὸ Πειρίθου τοῦ [*](Σ) Ἰξίονοϲ. νόμοϲ δ᾿ ἦν Ἀθνήνηϲι ξένουϲ εἰϲδέχεϲθαι τοὺϲ βουλομένουϲ τῶν Ἐλλήνων· Θεϲϲαλοὺϲ δ᾿ ἐξαιρέτωϲ ὑπεδέχοντο διὰ τὴν Πειρίθου καὶ Θηϲέωϲ φιλοξενίαν. τούτοιϲ δὲ καὶ χώραν ἐμέριϲαν, ἣν ἐκάλεϲαν Περιθοίδαϲ. Ἔφοροϲ ἱϲτορεῖ ἐν γ΄.

1169 Περικαθαίρων: ἀναλύων τὸν πεφαρμακευμένον, ἢ τὸν [*](Σ) γεγοητευμένον.

1170 Περικάθημαι· αἰτιατικῇ.

1171 Περικακῶ: ἐκκακῶ.

1172 Περικαλλέϲ: λίαν καλόν.

1173 Περικαῶϲ: ἐρωτικῶϲ. περικαῶϲ τῆϲ γυναικὸϲ ἔχων.

1174 Περίκειμαι τοῦ ἐπίκειμαι διαφέρει.

1175 Περικεκλαϲμένοιϲ· ἐνέδραν εἶχεν ἐν τόποιϲ περικεκλαϲμένοιϲ [*](Ε) καὶ δυϲθεωρήτοιϲ.

1176 Περικεφαλαία.

1177 Περίκηλα.

1178 Περικλῆϲ, Ἀθηναίων ϲτρατηγόϲ· ζήτει ἐν τῷ δέον. ζήτει νόμον Περικλέουϲ τοῦ Ξανθίππου ἐν τῷ δημοποίητοϲ.

1179 Περικλῆϲ, Ἀθηναῖοϲ. ἐπὶ τούτου ἤρξατο ὁ Πελοποννηϲιακὸϲ πόλεμοϲ. ἐπὶ τούτου τὸ Κυλώνειον ἄγοϲ ἠλαύνετο παρὰ Ἀθηναίων, ᾧ ἐνείχετο Περικλῆϲ· Κύλωνα γὰρ ἄνδρα Ἀθηναῖον, Ὀλύμπια νενικηκότα, γαμβρὸν Θεαγένουϲ τοῦ Μεγαρέων τυράννου, ἐπιθέμενον τυραννίδι τῶν Ἀθηναίων, παραχρῆμα φυγόντα, καταφυγόντα δὲ ἐπὶ τὰϲ Σεμνὰϲ θεὰϲ ἀποϲπάϲαντεϲ οἱ περὶ Περικλέα ἀπέκτειναν. οἱ δὲ ἀντεπέταττον. Περικλῆϲ δὲ οὐκ εἴα πείθεϲθαι. ὃϲ ἦν Ξανθίππου παῖϲ, ϲτρατηγοῦ Ἀθηναίων, Ἀναξαγόρου δ᾿ ὁμιλητήϲ. φαϲὶ δέ, ὅτι μέλλουϲα τὸν Περικλέα τίκτειν ἡ μήτηρ ὄναρ εἶδεν ὡϲ λέοντα τέκοι. οὗτοϲ κεραυνοῦ ποτε γενομένου καὶ θορυβηθέντων Ἀθηναίων, ὡϲ ἐξῄεϲαν ἐϲ μάχην ὑπ᾿ αὐτῷ ϲτρατηγῷ, δύο λίθουϲ ϲυγκρούϲαϲ καὶ πῦρ ἐξ αὐτῶν ἐκκόψαϲ. τοῦτο, εἶπεν, ἐϲτὶν ὁ κεραυνόϲ. ἔγημε δὲ Ἀϲπαϲίαν τὴν Μιληϲίαν, ἐξ ἧϲ ἔϲχε παῖδαϲ Ξάνθιππον καὶ Πάραλον· ὃν παρὰ τὰ πάτρια ὠνόμαϲεν, ἥρωοϲ ἐπιθεὶϲ ὄνομα, οὐκ ἐξόν.

1180 Περικλῆϲ, Ξανθίππου καὶ Ἀγαρίϲτηϲ, Ἀθηναῖοϲ, ῥήτωρ καὶ δημαγωγόϲ· ὅϲτιϲ πρῶτοϲ γραπτὸν λόγον ἐν δικαϲτηρίῳ εἶπε, τῶν πρὸ αὐτοῦ ϲχεδιαζόντων. ἦν δὲ μαθητὴϲ Ἀναξαγόρου τοῦ Κλαζομενίου· καὶ αὐτὸϲ ἐρύϲατο αὐτὸν ἐκ θανάτου.

1181 Περικλῆϲ· οὗτοϲ ϲυμβουλεύεται Ἀθηναίοιϲ, τὴν γῆν ὅταν νομίϲωϲι τὴν τῶν πολεμίων εἶναι ϲφετέραν, τὴν δὲ ϲφετέραν τῶν πολε μίων· πόρον δὲ τὰϲ ναῦϲ, ἀπορίαν δὲ τὸν πόρον. οὗτοϲ ἐκέλευϲεν Ἀθηναίοιϲ, ἐμβαλόντων μὲν Λακεδαιμονίων εἰϲ τὴν Ἀττικήν, μὴ ἐπεξιέναι, ἀλλ᾿ ἔϲω τείχουϲ μένειν· αὐτοὺϲ δὲ διὰ τῶν πλοίων ἐπιέναι τῇ Λακωνικῇ. τὸν οὖν κατὰ γῆν πόρον ἀπορίαν ἡγεῖϲθαι, τὸ δὲ διὰ θαλάττηϲ, τοῦτο ἡγεῖϲθαι πόρον. ἄλλωϲ· τὴν Περικλέουϲ λέγει γνώμην, τὴν Ἀττικὴν ὡϲ πολεμίαν ἡγεῖϲθαι καὶ ἐᾶν τέμνεϲθαι, τὴν δὲ Λακωνικὴν περιπλεῦϲαι. ϲυνεβούλευϲε δὲ περιπλεῖν τὴν πολεμίαν, μὴ μάχεϲθαι δέ, τεμνομένηϲ τῆϲ Ἀττικῆϲ. ἕνα πόρον ἡγεῖϲθαι χρημάτων, τὸ ναῦϲ ὡϲ πλείϲταϲ ἔχειν· τὸν δὲ ἄλλον πόρον, ὃϲ ἂν ἔξω τούτου γίνηται, τοῦτον ἄπορον νομίζειν, οἷον τὰ θεωρικὰ καὶ δικαϲτικὰ καὶ ἐκκληϲιαϲτικά. ϲυμβουλεύει οὖν πᾶϲαν τὴν ἐν τούτοιϲ γινομένην δαπάνην ταῖϲ ναυϲὶν ἀφορίϲαι. πρὸϲ ταύτην γὰρ τὴν ἔννοιαν καὶ τὸ ἐπιφερόμενον ἀκόλουθον· φηϲὶ γὰρ ὁ Διόνυϲοϲ· πλήν γε ὁ δικαϲτὴϲ αὐτὰ καταπίνει μόνοϲ. ὡϲ πολλῶν δαπανωμένων εἰϲ τὸν δικαϲτικὸν μιϲθόν.