Suidae lexicon
Suda
Suda, Suidae lexicon, Adler, Teubner, 1935
21 Μάγνηϲ, ἀνὴρ Σμυρναῖοϲ, καλὸϲ τὴν ἰδέαν, εἴ τιϲ καὶ ἄλλοϲ, ποιήϲει τε καὶ μουϲικῇ δόκιμοϲ· ἤϲκητο δὲ καὶ τὸ ϲῶμα διαπρεπεῖ κόϲμῳ, ἁλουργῆ ἀμπεχόμενοϲ καὶ κόμην τρέφων χρυϲῷ ϲτρόφῳ κεκορυμβωμένην· περιῄει τε τὰϲ πόλειϲ ἐπιδεικνύμενοϲ τὴν ποίηϲιν. τούτου δὲ καὶ ἄλλοι μὲν πολλοὶ ἤρων, Γύγηϲ δὲ καὶ μᾶλλόν τι ἐφλέγετο καὶ αὐτὸν εἶχε παιδικά. γυναῖκάϲ γε μὴν πάϲαϲ ἐξέμηνεν, ἔνθα ἐγένετο ὁ Μάγνηϲ, μάλιϲτα δὲ τὰϲ Μαγνητῶν, καὶ ϲυνῆν αὐταῖϲ. οἱ δὲ τούτου ϲυγγενεῖϲ ἀχθόμενοι ἐπὶ τῇ αἰϲχύνῃ, πρόφαϲιν ποιηϲάμενοι ὅτι ἐν τοῖϲ ἔπεϲιν ᾖϲεν ὁ Μάγνηϲ Λυδῶν ἀριϲτείαν ἐν ἱππομαχίᾳ πρὸϲ Ἀμαζόναϲ, αὐτῶν δὲ οὐδὲν ἐμνήϲθη, ἐπαΐξαντεϲ περικατέρρηξαν τε τὴν ἐϲθῆτα καὶ τὰϲ κόμαϲ ἐξέκειραν καὶ πᾶϲαν λώβην προϲέθεϲάν. ἐφ᾿ οἷϲ ἤλγηϲε μάλιϲτα Γύγηϲ καὶ πολλάκιϲ μὲν εἰϲ τὴν Μαγνητῶν γῆν ἐνέβαλε, τέλοϲ δὲ καὶ χειροῦται τὴν πόλιν· ἐπανελθὼν δὲ ἐϲ Σάρδειϲ πανηγύρειϲ ἐποιήϲατο μεγαλοπρεπεῖϲ.
22 Μαγνηϲία: τόποϲ.
23 Μαγνῆτιϲ: λίθοϲ τίϲ ἐϲτιν οὕτω καλούμενοϲ, ὃϲ ἔχει φυϲικὴν ἐνέργειαν ἕλκειν πρὸϲ ἑαυτὸν τὸν ϲίδηρον. ἦν δὲ ἐν Ἀλεξανδρείᾳ τῆϲ Αἰγύπτου ἐν τῷ Σαραπείῳ πλάνηϲ καὶ κακουργίαϲ τοιοῦτόν τι μηχάνημα· ξόανον καταϲκευάϲαντεϲ ἐκ χαλκοῦ καὶ ἐν τῇ κεφαλῇ ϲίδηρον ἔνδοθεν καθηλώϲαντεϲ τὸν λίθον τοῦτον ἐν τοῖϲ φατνώμαϲιν ἄνωθεν τῆϲ ϲτέγηϲ ἔπηξαν ἀπὸ διαμέτρου. τὸ δὲ ὑπὸ τῆϲ φυϲικῆϲ βίαϲ ἑλκόμενον τοῦ λίθου, μετέωρον γὰρ ἐκρέματο, διὰ πολλὴν μηχανὴν καὶ τέχνην ἐκρατεῖτο μέϲον ἐδάφουϲ καὶ ὀρόφου, θαυμαζόμενὴν καὶ μὴ παντελῶϲ καταϲπώμενον.
24 Μαγνητῶν κακά· καὶ οὔτε τί φῶ περὶ αὐτοῦ ἀξίωϲ ἔχω, κἂν τὰ Μαγνητῶν κακά, κἂν τὸ Τερμέριον, κἂν πᾶϲαν ἁπλῶϲ αὐτῶν ἐπι φθέγξωμαι τὴν τραγῳδίαν μετὰ τοῦ ϲατύρου καὶ τῆϲ κωμῳδίαϲ καὶ τοῦ μίμου, οὕτω πᾶϲα μὲν αἰϲχρότηϲ, πᾶϲα δὲ ἀπόνοια πρὸϲ ὑπερβολὴν ἐπ᾿ ἐκείνοιϲ τῷ ἀνδρὶ πεφιλοτέχνηται.
[*](21 Nic. Dam. F GrHist 90 fr. 62 ═ EV 1, 343, 6—20 22 cf. Ambr. 211 23 Georg. 2, 584, 18—585,6 24 lul. or. 7, 210—1)[*](21 cf. v. ϲτρόφιον 1 et v. Κ 2124)[*](A(GFVM))[*](1 Βαρβατιϲτὰϲ AF ἂν λέγοι ex AF solis 2 ὀργάνου] ὀρνέ(ου) V 3 Ὀρνίθεϲιν AF βατραχείῳ] βατραχεῖ AF 7 τιϲ καὶ GVM, Exc.: καί τιϲ AF 9 ἁλουργεῖ GVM 11 δὲ pr. — τι] Τύγηϲ ἐρῶν V δὲ pr. AF, Exc.: μὲν GM μὲν om. G 12 γε μὴν] τε V 13 καὶ ϲυνῆν αὐταῖϲ om. V 18 μὲν om. GVM 21 τόποϲ] πόλιϲ ed. pr., Ambr. ad 23 init. καὶ ϲημείωϲαι τὸ ἀντίϲτιχον mg. add. M 24 τοιοῦτο A 27 ϲτέγηϲ] ϲτήληϲ V φυϲικῆϲ om. GM 30 μὴ om. V 32 αὐτῶν A: αὐτὸϲ GVM αὐτοῖϲ lul. om. F 34 πρὸϲ] ἐϲ A om. F)25 Μάγοϲ· μάγουϲ ἐκάλουν τοὺϲ ψευδεῖϲ φανταϲίαϲ περιτιθένταϲ [*](Soph.) ἑαυτοῖϲ. ἀπὸ τούτου δὲ καὶ τοὺϲ φαρμακοὺϲ μάγουϲ ἔλεγον. Σοφοκλῆϲ· ὑφεὶϲ μάγον τοιόνδε μηχανορράφον.
26 Μαγώτερα: ἀντὶ τοῦ θελκτικώτερα. ἐν Ἐπιγράμμαϲι· ἀλλὰ ϲελίνων [*](Anth.) οὐλοτέρη καὶ μνοῦ χρῶτα τερεινοτέρη καὶ κεϲτοῦ φωνεῦϲα μαγώτερα.
27 Μαγῶνοϲ.
[*](Δ)28 Μάγοι: παρὰ Πέρϲαιϲ οἱ φιλόϲοφοι καὶ φιλόθεοι· ὧν ἦρχε Ζωροάϲτρηϲ καὶ μετὰ τοῦτον κατὰ διαδοχὴν Ὀϲτάναι καὶ Ἀϲτράμψυχοι.
29 Μαγώγ: ὁ Πέρϲηϲ. ὅτι μαγεία καὶ ἀϲτρολογία ἀπὸ Μαγουϲαίων ἤρξατο. [*](Suid.) οἱ γάρ τοι Πέρϲαι Μαγὼγ ὑπὸ τῶν ἐγχωρίων ὀνομάζονται. καὶ Μαγουϲαῖοι, οἱ αὐτοί.
30 Μάδδαν: μάζαν, τροφήν. οὕτωϲ οἱ Μεγαρεῖϲ διὰ δύο δδ.
[*](Ar.)31 Μὰ Δία: οὐκ ἐπὶ τοῦ μὰ τὸν Δία λέγων, ὡϲ οἴονταί τινεϲ· [*](Σ) ἐχρῶντο δὲ αὐτῷ ἀντὶ τοῦ μὰ Δία, ὥϲπερ καὶ τῷ νὴ Δία ἐπὶ τῷ ναί· ὅθεν καὶ ναὶ Δία λέγουϲιν καὶ ναὶ μὰ Δία. Ἀριϲτοφάνηϲ Πλούτῳ· ναὶ μὰ Δία τούτων τε πολλῷ πλείονα. ἐπὶ κατωμοτικοῦ τὸ [*](Ar.) μὰ Δία, ὅταν αὐτοῦ προτάττηται τὸ ναί.
32 Μαδιάμ: ὄνομα κύριον. καὶ Μαδιανῖτιϲ χώρα. καὶ [*](Δ) Μαδιηναῖοι.
33 Μαδῶντα: φαλακρόν, καθόλου τρίχαϲ μὴ ἔχοντα.
[*](Ar.)34 Μᾶζα: ἄρτοϲ, φύραμα. ἢ ὁ ϲτριφνὸϲ ἄρτοϲ. ὅϲτιϲ ἀλφιοϲιτεῖ, [*](Σ Ar.) ὕδατι μεμιγμένην τὴν μᾶζαν ἐϲθίει· ὅϲτιϲ δὲ ἀρτοϲιτεῖ, ὕδατι δεδευμένον [*](Ε) ἄρτον. οἱ δὲ Μεγαρεῖϲ μάδδα, διὰ δύο δδ.
[*](Suid.)35 Μᾶζα: κυρίωϲ ἡ τροφή, ἡ ἀπὸ γάλακτοϲ καὶ ϲίτου, παρὰ τὸ [*](Ar.) μάζεϲθαι. προπεριϲπᾶται. ἐπὶ δὲ τοῦ κανθάρου Ἀριϲτοφάνηϲ καταχρηϲτικῶϲ κέχρηται. οὐ γὰρ τὴν ἐξ ἀλφίτων φυραθεῖϲαν δηλοῦν θέλει, οὐ γὰρ αὕτη κανθάρων τροφή, ἀλλὰ τὸ ἀποπάτημα, τουτέϲτι τὴν κόπρον. πίτυρα δέ τινα ἔματτον οἱ οἰκέται· κόπρον γὰρ φυρᾶν [*](25 Soph. OT 387 c. sch. 26 ἀλλὰ sq. Anth. 5, 120, 1 — 3 27 ═ Ambr. 81 28 Laert. prooem. 2 30 sch. Ar. Ach. 732 31 — vs. 16 ναὶ tert. ═ P vs. 17 ναὶ sq. Ar. Pl. 187 c. sch. 32 Μαδιανίτιϲ χώρα Ambr. 187 cf. 184 Μαδιηναῖοι cf. Ambr. 155 33 sch. Ar. Pl. 266 34 — φύραμα ═ P, Ba 294, 6, Et. Gen. cf. Et. M. 573, 24 sq., Erotian. 60, 5 ὁ — ἄρτοϲ sch. Ar. Pac. 565 ὅϲτιϲ— ἄρτον Xen. Cyr. 6, 2, 28 35 — p. 308, 1 κανθάρῳ Ar. Pac. 1 c. sch. vs. 2 μᾶζαν sq. Ar. Eq. 54 — 7 c. sch. cf. sch. Greg Byz. Zt. 26, 9; Thuc. 4, 28) [*](25 cf. 1019 26 cf. 1175 et v. Κ 1428 28 cf. v. Ο 710 29 ex v. Γ 365 30 hinc 34 extr. 34 Ar. cf. v. Π 167, Xen. cf. vv. Α 1456 et 4053. οἱ sq. ex 30 35 cf. 549, vv. Α 110, Al 280 et 299) [*](25, 28, 29, 27, 26, 30 ordo in G(M) 25, 28, 26, 30 in V 4 ἀντὶ τοῦ ex AF A(GFVM) solis 5 μνοῦ] μου GVM 27 mg M om. sed Μαγνόϲ post vs. 4 θελκτικώτερα add. V 9 τοῦτον] τοῦ GM διαδοχὴν] δὲ add. GVM Ὁϲτράναι F 29 om. AV mg. Ar post 24 F 10 Μαγώϲ F 11 καὶ—12 αὐτοί om., sed Μαγουϲαῖοι οἱ Πέρϲαι post vs. 10 Πέρϲηϲ add. ArF (nov. gl. F) 14 λέγοντοϲ G ἔλεγον e Phot. Hemst. 17 τε] γε ed. pr. 19 Μαδιανίτηϲ GVMcp 22 ϲτρυφνὸϲ GM cf. v. Π 167 22. 23 ἀλφιτοϲιτεῖ v. A 1456, Xen. 24 οἱ — δδ om. AF 29 τὴν] τὸν FV)
36 Μάζηϲ ὤνιον: ἄρτου πρᾶϲιϲ.
37 Μαζίϲκαϲ διαμεμιγμέναϲ: ἀντὶ τοῦ πεφυραμέναϲ.
38 Μαζονομεῖον: ἀγγεῖόν τι.
39 Μαζόϲ: κυρίωϲ ἐπὶ ἀνδρόϲ. καὶ Ὅμηροϲ· νευρὴν μὲν μαζῷ πέλαϲεν, τόξῳ δὲ ϲίδηρον. καταχρηϲτικῶϲ δὲ καὶ ἐπὶ γυναικόϲ.
40 Μαζουρώθ: τὰ ϲυϲτήματα τῶν ἀϲτέρων, ἃ ἐν τῇ ϲυνηθείᾳ ζῴδια καλοῦται. Ἑβραϊϲτὶ δὲ τινέϲ φαϲι λέγεϲθαι τὴν λέξιν, ϲημαίνειν δὲ καὶ τὸν ἀϲτρῷον κύνα.