Suidae lexicon
Suda
Suda, Suidae lexicon, Adler, Teubner, 1935
362 Κάρδαμα· ἐπιϲχετικὰ οὔρων τὰ κάρδαμα καὶ πτύϲματοϲ. καὶ διὰ τοῦτό [*](Suid.) φαϲι τοὺϲ Πέρϲαϲ χρῆϲθαι· φυλάττονται γὰρ πολλὰ πτύειν καὶ οὐρεῖν καὶ ἀπομύττεϲθαι.
363 Καρδαμίϲ: εἶδοϲ λαχάνου.
[*](Δ)365 Καρδία· ὅτι τὰ ἔνυδρα καρδίαν οὐκ ἔχει, οὐδὲ πνεύμονα. ὅϲα [*](Phil.) δὲ πνεύμονα ἔχει, τῇ τραχείᾳ ἀρτηρίᾳ καταψύχεται τὸ ἐντὸϲ θερμόν, δι᾿ αὐτῆϲ εἰϲιόντοϲ τοῦ ἀέροϲ. οἱ δὲ ἰχθύεϲ διὰ τῶν βραγχίων καταψύχουϲι τὸ ἐντὸϲ θερμὸν ϲυϲτέλλοντεϲ αὐτὰ καὶ εἰϲδεχόμενοι τὸ ὕδωρ, ὥϲτε οὐ δέονται πνεύμονοϲ. καὶ ἄλλωϲ οὐδὲ πάνυ δέονται τὰ ἔνυδρα τοῦ εἰϲιέναι ἔξωθεν τὸ ὑγρὸν ἵνα ἐμψύξῃ· τὸ γὰρ ὕδωρ αὐτοῖϲ περικείμενον αὐτῇ τῇ ἁφῇ τὴν ἔμψυξιν ἐργάζεται. ἡ καρδία δὲ πρώτωϲ τῆϲ ἐμψύξεωϲ δεῖται· πηγὴ γάρ ἐϲτι τοῦ ἐμφύτου θερμοῦ τοῖϲ ζῴοιϲ ἡ καρδία· διὰ δὲ αὐτὴν καὶ ὁ πνεύμων. διὰ μὲν οὖν τῆϲ εἰϲπνοῆϲ ἐμψύχεται ἡ καρδία, διὰ δὲ τῆϲ ἐκπνοῆϲ τὰ λιγνυώδη περιττώματα ἀποκρίνεται. ἐπιπολὺ δὲ ἀπνευϲτὶ οὐ δυνάμεθα διαλέγεϲθαι, διὰ τὸ δαπανᾶϲθαι τὸ πνεῦμα τὸ ἐν τῷ θώρακι. δεόμεθα οὖν πρότερον εἰϲπνεῦϲαι ἄλλο εἰϲ χορηγίαν τῆϲ φωνῆϲ. ἅμα δὲ εἰϲπνεῖν τε καὶ διαλέγεϲθαι ἀδύνατον, ἐπεὶ μηδὲ εἰϲπνεῖν τε καὶ ἐκπνεῖν· ἐναντία γάρ. διὰ τοῦτο καὶ οἱ τραγῳδοὶ ἐκτείνειν μέλλοντεϲ τὰ μέλη, πολὺ πρότερον εἰϲπνέουϲι πνεῦμα, καὶ οὕτωϲ ἄρχονται φωνεῖ, ἵνα ἐξαρκέϲῃ αὐτοῖϲ περὶ τὴν ἐκπνοήν. ὅτι καρδία τῆϲ [*](Ecl.) ἀρετῆϲ ἐϲτιν ἡ ἐλεημοϲύνη.
366 Καρδία· ὅτι οἱ παλαιοὶ τὸν ϲτόμαχον καρδίαν ἐκάλουν. ἔνθεν καὶ καρδιωγμόϲ.
[*](Suid.)367 Καρδιαλγίαι: λῦπαι καρδίαϲ.
[*](Ε)368 Καρδιουλκία: τὰϲ καρδίαϲ ἕλκειν τῶν θυμάτων.
[*](Ε)[*](359 ═ P, Ba 267, 28 cf. H, Phryn Ecl. 341 360— ὑποδήματοϲ cf. Ambr. 235 P et H v. καρβατίνη, Poll. 7, 85 ἐπειδὴ sq. Xen. An. 4, 5, 14 361 Κάρβων Ambr. 84; Κάρβωνοϲ ═ Ambr. 107 ἄνθραξι sq. Astramps. 363 cf. Ambr. 230 364 πολίται sch. Ar. Av. 1474 365 vs. 12 ὅϲα— 28 ἐκπνοήν Philop. 382,1—7, 25—30; 383, 29—384, 2 vs. 28 καρδία sq. ═ An. Ox. 2, 452, 24 367 ═ P, Ba 367, 27, H 368 ═ P, Ba 367, 29 cf. H)[*](361 Astramps. cf. v. Α 2522 362 ex v. ϲτραγγουριῶ 364 cf. v. Ε 669 366 ex v. ϲτόμαχοϲ)[*](4 λύϲιϲ—5 βλαβήν ex Mmg V (post 360) 362 om. F post 366 V ArF(GVM) 363 post 371 FV 9 Καρδαμίϲ om. V 12 et 13 ἔχουϲι V 15 ϲυϲτέλλον F 16 καὶ— 18 ἐργάζεται om. F 18. 19 πρῶτον F 20 οὖν om. F 21 ἔμψυχοϲ F 24 εἰϲπνεῖν F cf. vs. 25 28 περὶ] πρὸϲ A 366 om. F 32 τὰϲ] τὸ τὰϲ A)369 Καρδιοφύλαξ: παρὰ Ῥωμαίοιϲ χάλκωμα ϲπιθαμιαῖον πάντη πάντωϲ, ὃ προϲετίθεντο πρὸ τῶν ϲτέρνων. οἱ δὲ ἀντὶ τούτου ἁλυϲιδωτοὺϲ χιτῶναϲ περιετίθεντο περὶ τοὺϲ θώρακαϲ.
370 Καρδιωϲάμενοϲ: τῶν θυομένων τοῖϲ θεοῖϲ ἱερείων ἀφῃροῦντο τὰϲ καρδίαϲ, κἂν ὅλα τὰ ἱερεῖα ἔμελλον ὁλοκαυτοῦν, καὶ τῇ καλουμένῃ πιμελῇ καλύψαντεϲ οὕτωϲ ἐπετίθεϲαν τῷ πυρί. καὶ τοῦτό ἐϲτι τὸ καρδιωϲάμενοϲ.
371 Καρδιώττειν: τὴν καρδίαν ἀλγεῖν Σικελιῶται· ὃ ἡμεῖϲ βουλιμιᾶν. Ἀπολλόδωροϲ ἐν ἕκιῳ περὶ Ἐπιχάρμου τοὺϲ Σικελιώταϲ φηϲὶ τὸ τὸν ϲτόμαχον ἐπιδάκνεϲθαι ὑπὸ λιμοῦ καρδιώττειν λέγειν, ὅπερ βουλιμιᾶν. λέγει Ξενοφῶν. καὶ εὐκάρδια πολλοὶ τὰ εὐϲτόμαχα λέγουϲιν.
372 Κάρδοποϲ: ἡ μάκτρα τοῦ ἀλεύρου. μαγίϲ, ἐν ᾗ τοὺϲ [*](Ar.) ἄρτουϲ ἔματτον. ἢ ϲκαφίδιον, ἐν ᾧ ἀναμάττειν καὶ ἀναφυρᾶν ἔθοϲ τὰ ἄλφιτα. θηλυκῶϲ ἡ κάρδοποϲ. Ἀριϲτοφάνηϲ. τὴν κάρδοπον ἀρϲενικῶϲ καλεῖϲ, ὥϲπερ Κλεώνυμον. ἀρϲενικῶϲ καλοῦϲί τινεϲ· γυναικώδηϲ γὰρ ἦν.
373 Καρδοῦχοι: ϲφενδονῆται ἄριϲτοι.
374 Κᾶρεϲ: ὄνομα ἔθνουϲ.
375 Κάρεψ.
376 Καρήατοϲ: τῆϲ κεφαλῆϲ.
377 Καρηβαρία: ἡ μέθη.
378 Καρηβαρῶν: τὴν κεφαλὴν βαρούμενοϲ ἀπὸ μέθηϲ οἴνου.
379 Κάρηνα: ἀκρόπολιϲ.
380 Καρηνόϲ: ἐθνικόν.
381 Κάρηϲ, Κάρητοϲ.
382 Καρηφαρίτηϲ: ὁ χυδαῖοϲ οἶνοϲ, καὶ μὴ ἀνθοϲμίαϲ. ζήτει ἐν τῷ ἀνθοϲμίαϲ.