Suidae lexicon

Suda

Suda, Suidae lexicon, Adler, Teubner, 1935

1195 Καιρωϲτρίδεϲ: αἱ ὑφάντριαι. καίρωϲιϲ γὰρ ἡ πλοκὴ τοῦ [*](Hom.) μίτου.

1196 Καῖϲαρ Ἰούλιοϲ, ὁ πρῶτοϲ μοναρχήϲαϲ. ἔγραψε μετάφραϲιν [*](Hesy.) τῶν Ἀράτου Φαινομένων, τέχνην γραμματικὴν Ῥωμαϊκῶϲ.

1197 Καῖϲαρ Αὔγουϲτοϲ, ὁ καὶ Σεβαϲτὸϲ καὶ Ὀκταβιανὸϲ ἐπικληθείϲ. [*](Hesy.) ἔγραψε περὶ τοῦ ἰδίου βίου καὶ τῶν πράξεων αὐτοῦ βιβλία ιγ΄.

1198 Καῖϲαρ Τιβέριοϲ· ἔγραψεν ἐπιγράμματα καὶ τέχνην ῥητορικήν.

[*](Hesy.)

1199 Καῖϲαρ: οὕτωϲ ὀνομάζονται οἱ Ῥωμαίων βαϲιλεῖϲ ἀπὸ Ἰουλίου Καίϲαροϲ, τοῦ μὴ γεννηθέντοϲ. τῆϲ γὰρ μητρὸϲ αὐτοῦ θανούϲηϲ ἐν τῷ θ΄ μηνί, ταύτην ἀνατεμόντεϲ ἐξέβαλον αὐτὸν καὶ οὕτωϲ ἐκάλεϲαν· κατὰ γὰρ τὴν Ῥωμαίων γλῶϲϲαν Καῖϲαρ ἀνατομὴ λέγεται. ὅτι ἐπὶ Ῥωμαίων τῶν πάλαι ὁ δῆμοϲ ἦρχεν, αὖθιϲ οἱ ὀλίγοι, καὶ τὰ τελευταῖα ἐϲ μοναρχίαν κατέϲτη Ῥωμαίοιϲ τὰ πράγματα, ἐξέτι Καίϲαροϲ τοῦ πρώτου μοναρχήϲαντοϲ καὶ βαϲιλεύϲαντοϲ. καὶ ἀϲταϲίαϲτα διετέλει τὰ κοινὰ ἄχρι ἐϲ Μάρκον Ἀντωνῖνον Ῥωμαίων ἄρχοντα· ἐπεὶ δὲ ὁ τούτου παῖϲ ὁ Κόμοδοϲ τὴν φύϲιν οὐ πάνυ φρενήρηϲ καὶ φιληδονίαϲ ἥττων γενόμενοϲ καὶ οὐ μάλα τι ἀγαθὸϲ τὰ πολέμια καὶ φιλόψυχοϲ, δολοφονηθεὶϲ ὑπό τινων κατελύθη, ἐπαναϲτάϲειϲ τε ϲυνεχέϲταται ἐγένοντο.

1200 Καιϲαρεύϲ.

[*](Δ)

1201 Καιϲάρεια, ἡ μητρόπολιϲ, ἀπὸ Καίϲαροϲ Τιβερίου Ὀκταβίου· ἣν ἀφείλετο Ἀρχέλαον, πρότερον Μάζακα ἐπονομαζομένην, ἔπειτα Καιϲάρεια κληθεῖϲαν τῇ ἰδίᾳ προϲηγορίᾳ.

[*](1190 — αἰῶνα Thdr. in Ps. 80, 16, PG 80, 1526cd, 1528a vs. 2 καιρὸϲ — 3 μου Gen. 6, 13 1191 — ἐπιτηρῆϲαι ═ P, Ba 266, 21, H 1192 ═ P, Ba 266, 22 1193 η 107 c. sch. cf. H, Et. M. 498, 7, Ap. S. 94, 9. l. ═ Ambr. 34 1194 ═ Ambr. 349 1195 cf. Eust. in O. 1571, 57 c. Call. fr. 356, H sch. η 107 (ed. Dind.) 1199 — λέγεται cf. Et. M. 498, 26, Lyd. mens. 4, 102 (p. 142, 10 Wuensch) 1200 ═ L cf. Ps. Herodian. 63 1201 cf. Eutrop. 123 1196—7 hinc v. Γ 10 1201 cf. v. Β 150 et v. Τιβέριοϲ 2 2 καιρὸϲ] nov. gl. F 3 ἐμοῦ A ἀντὶ τοῦ om. FG 1192 ex FV solis ArF(GVM) 1193 non nov. gl. post 1190 AGM, οrdο poscit 7 ἔλαιον ex A solo 9 περὶ F 1194 ex F solo 1195 non nov. gl. F 14 Ῥωμαϊκήν F 15 ὁ καὶ] καὶ ὁ V 16 ἔγραψε post βίου transpos. F αὐτοῦ om. F 21 γὰρ om. F 22 τελευτὰ V 24 καὶ alt.— 29 ἐγένοντο om. F 25 Ῥωμαῖον V 1201 non nov. gl. F 33 τῇ ἰδίᾳ προϲηγορίᾳ om. F)
86
[*](Hesy.)

1202 Καιϲάριοϲ, ὁ Γρηγορίου τοῦ Θεολόγου ἀδελφόϲ. ἔγραψε διάφορα, καὶ Κατὰ Ἑλλήνων.

[*](Δ)

1203 Καίϲωνοϲ: ὄνομα κύριον.

[*](Δ)

1204 Καίϲτωνοϲ: ὄνομα κύριον.

[*](Ar.)

1205 Καὶ ταῦτʼ ἔχοντεϲ κυμάτων ἐν ἀγκάλαιϲ: ἀντὶ τοῦ ὄντεϲ ἐν πολλοῖϲ κινδύνοιϲ.

[*](Prov.)

1206 Καὶ ϲφάκελοι ποιοῦϲιν ἀτέλειαν: Πειϲίϲτρατοϲ, ὥϲ φαϲιν, ὁ τύραννοϲ, δεκάταϲ τῶν γεωργουμένων ἀπῄτει τοὺϲ Ἀθηναίουϲ. παριὼν δὲ ἔϲθ᾿ ὅτε καὶ ἰδὼν πρεϲβύτην πέτραϲ ἐργαζόμενον καὶ λιθώδειϲ τόπουϲ ἤρετο αὐτόν, τίναϲ ἐκ τῶν τόπων κομίζοιτο τοὺϲ καρπούϲ. ὁ δὲ ἀπεκρίνατο, ὀδύναϲ καὶ ϲφακέλουϲ. θαυμάϲαϲ δὲ ὁ Πειϲίϲτρατοϲ τὴν παρρηϲίαν αὐτοῦ ἀτέλειαν τῆϲ δεκάτηϲ δέδωκε· καὶ ἐκ τούτου οἱ Ἀθηναῖοι τῇ παροιμίᾳ ἐχρήϲαντο.

[*](Σ)

1207 Καὶ τάχα ἴμεν: καὶ ταχέωϲ πορευόμεθα.

[*](Σ)

1208 Καίοιτο: ὑπάρχοιτο.

[*](Σ)

1209 Καὶ τὸ τοῦ λύκου: φαϲὶ λύκον ἰδόντα τὸν ποιμένα ἢ καὶ κύνα τῶν ποιμενικῶν προβάτων ἐϲθίοντα εἰπεῖν· ἐγὼ τοῦτο εἰ ἐποίουν, πόϲη κραυγὴ ἐγίνετ᾿ ἄν;

[*](Ar.)

1210 Καί τοι ϲ᾿ οὐκ ἐρῶ γ᾿, ὡϲ οὐ φιλῶ: τουτέϲτιν οὐ κρύπτω τὸ ἐμὸν πόθον.

[*](Σ)

1211 Καὶ χερϲί: καὶ ἔργοιϲ.

[*](Suid.)

1212 Κεάδαν· βάραθρόν ἐϲτι τόποϲ βαθύϲ, ὅπου οἱ κακοῦργοι ἐμβάλλονται Ἀθήνηϲι καὶ οἱ ἐπὶ θανάτῳ, ὥϲπερ εἰϲ τὸν Κεάδαν οἱ Λακεδαιμόνιοι.

[*](Ar.)

1213 Κέαρ: τὴν καρδίαν φηϲὶν Ἀριϲτοφάνηϲ· ἐφʼ ᾧγε τὸ κέαρ εὐφράνθην.

[*](Hom.)

1214 Κέαται: κεῖνται.