Suidae lexicon

402 Δήλημα: βλάβη.

403 Δηλήμων: ὁ βλαπτικόϲ.

404 Δηλήϲεται: βλάψει, διαφθερεῖ καὶ Δήληϲιϲ, ἡ βλάβη. [*](Ε) λῃϲτὰϲ ἐπελθόνταϲ ἐπὶ δηλήϲει τῶν βοῶν Θεϲπιάδου.

405 Δηλητήριον: φάρμακον.

406 Δηλιάϲ: ἡ ναῦϲ. καὶ ἡ Δημήτηρ. καὶ κύριον ὄνομα.

407 Δηλιαϲταί: οἱ εἰϲ Δῆλον ἐξελθόντεϲ θεωροί. οὕτωϲ Λυκοῦργοϲ.

408 Δήλιοϲ: ὁ ἀπὸ τῆϲ Δήλου. Δῆλοϲ γὰρ ἡ νῆϲοϲ τοῦ Ἀπόλλωνοϲ.

409 Δηλονότι.

410 Δήλων: ὁράϲεων. καὶ Δῆλοι· δοτικῇ· ὁράϲειϲ, ἐνύπνια.

411 Δημαγωγεῖ: ϲτρατηγεῖ. ἄρχει τοῦ δήμου. ὃϲ ἑπτέτηϲ ὢν [*](Ar.) οὐκ ἔφυϲε φράτοραϲ· νυνὶ δὲ δημαγωγεῖ τουτέϲτιν οὐκ ἐνεγράφη εἰϲ τοὺϲ φράτοραϲ. καὶ αὖθιϲ· ἐκδημαγωγηθένταϲ εἰϲ παρρηϲίαν

412 Δημαγωγικόϲ: ϲτρατηγικόϲ. Πολύβιοϲ· Μολπαγόραϲ, ἀνὴρ λέγειν καὶ πράττειν ἱκανόϲ, κατὰ δὲ τὴν αἵρεϲιν δημαγωγικὸϲ καὶ πλεονέκτηϲ· ὃϲ μοναρχικὴν ἐξουϲίαν ἑαυτῷ περιποιηϲάμενοϲ ἀνῃρέθη [*](Ar.) παρά τινων. καὶ αὖθιϲ· ἡ δημαγωγία γὰρ οὐ πρὸϲ μουϲικοῦ ἐϲτιν ἀνδρὸϲ οὐδὲ χρηϲτοῦ τοὺϲ τρόπουϲ, ἀλλ’ εἰϲ ἀμαθῆ καὶ βδελυρόν. Ἀριϲτοφάνηϲ φηϲί.

413 Δημαγωγόϲ. ἀνδρὸϲ δημαγωγοῦ μεταπείϲαντοϲ αὐτόν. τουτἐϲτι [*](x + Δ) ἐϲτι τοῦ δήμου ἄρχοντοϲ. ὁ Φλαμίνιοϲ ὀχλοκόποϲ καὶ δημαγωγὸϲ [*](Ε) τέλειοϲ, πρὸϲ ἀληθινῶν δὲ καὶ πολεμικῶν πραγμάτων χειριϲμὸν οὐκ εὐφυήϲ.

414 Δημάδηϲ, Ἀθηναῖοϲ, ῥήτωρ, καὶ δημαγωγὸϲ πανοῦργοϲ καὶ εὐτυχήϲ· πρότερον ναύτηϲ ὤν. ἔγραψεν Ἀπολογιϲμὸν πρὸϲ Ὀλυμπιάδα τῆϲ ἑαυτοῦ δωδεκαετίαϲ, Ἱϲτορίαν περὶ Δήλου καὶ τῆϲ γενέϲεωϲ τῶν Λητοῦϲ παίδων. οὗτοϲ κατέλυϲε τὰ δικαϲτήρια καὶ τοὺϲ ῥητορικοὺϲ ἀγῶναϲ. τελευτᾶ δὲ ἐπὶ Ἀντιπάτρου.

415 Δημάδηϲ, μετʼ Ἀντίπατρον βαϲιλεύϲαϲ Θήβαϲ ἀνέϲτηϲε, Δημέου ναύτου, ναύτηϲ καὶ αὐτόϲ, ναυπηγὸϲ καὶ πορθμεύϲ. ἀποϲτὰϲ δὲ τούτων ἐπολιτεύϲατο καὶ ἦν προδότηϲ καὶ ἐκ τούτου εὔποροϲ παντὸϲ καὶ κτήματα ἐν Βοιωτίᾳ παρὰ Φιλίππου δωρεὰν ἔλαβεν. οὗτοϲ Δημοϲθένει λέγοντι ὑπὲρ Ὀλυνθίων ἀντέλεγεν, Εὐθυκράτη δὲ τὸν Ὀλύνθιον, ἀτιμωθέντα παρὰ Ἀθηναίοιϲ, ἐψηφίϲατο ἐπίτιμον εἶναι καὶ πρόξενον Ἀθηναίοιϲ. λόγουϲ δὲ διδοὺϲ ἀρχῆϲ θορυβηθεὶϲ ἀπεδήμηϲεν, οὔτε ἑαυτῶν, εἰπών, ἐϲτὲ κύριοι οὔτε ἐμοῦ. ἐπέϲτελλε δὲ Φιλίππῳ καὶ τὸν υἱὸν ἔπεμπε πρὸϲ αὐτόν. ἱπποτρόφει δὲ καὶ ἠγωνίζετο Ὀλυμπιάϲι καὶ ἐνίκα. ἔγραψε δὲ καὶ ψήφιϲμα τῷ Φιλίππῳ τοὺϲ Ἔλληναϲ ὑπακούειν. ἐν Χαιρωνείᾳ δὲ αἰχμάλωτοϲ γενόμενοϲ ἀφείθη καὶ πρεϲβευτὴϲ ὑπὲρ τῶν αἰχμαλώτων ἀπεϲτάλη, οὓϲ ἀνῆκε Φίλιπποϲ. δὶϲ δὲ παρανόμων ἥλω. ἐπολιτεύϲατο δὲ καὶ ἐπʼ Ἀλεξάνδρου.

416 Δημάδηϲ, Λακιάδηϲ, Ἀθηναῖοϲ, ῥήτωρ. τοῦτον εἰϲεποίηϲεν ὁ [*](Hesy.) πρότεροϲ Δημάδηϲ ὁ καὶ δημαγωγὸϲ ἀπὸ αὐλητρίδοϲ τεχθέντα. πατὴρ δὲ καὶ αὐτὸϲ Δημέα τοῦ ῥήτοροϲ γέγονε καὶ ἀπώλετο ῥιφεὶϲ εἰϲ τὴν Ἀμφιπόλεωϲ λίμνην ὑπὸ Ἀντιπάτρου, τοῦ Καϲάνδρου πατρὸϲ καὶ διαδόχου.

417 Δημάρατοϲ, Προκλέουϲ ἀπόγονοϲ, ὑπὸ Κλεομένουϲ τοῦ Εὐρυϲθέωϲ ἀπογόνου, ὃϲ Ἱππίαν καθεῖλε ϲυμβαϲιλεύων, ἐκβέβληται ὡϲ νόθοϲ, διότι τεχθέντοϲ αὐτοῦ καὶ ἀγγελθέντοϲ Ἀρίϲτωνι τῷ πατρί, λογιϲάμενοϲ ὁ πατὴρ τὸν ἀπὸ γάμων χρόνον ἐλάττονα δέκα μηνῶν ὄντα, οὐκ ἐμὸϲ παῖϲ οὗτόϲ ἐϲτιν, ἔφη. ἐκπεϲὼν δὲ εἰϲ Πέρϲαϲ ἀνῆλθε, καὶ τελευτήϲαντοϲ Δαρείου, ϲυμπράξαϲ εἰϲ τὴν βαϲιλείαν τῷ Ξέρξῃ ἐπὶ τὴν Ἐλλάδα ϲτρατεύειν ἔπειϲεν.

418 Δημάρητοϲ: ὄνομα κύριον, οἱονεὶ Δημάρατοϲ.

419 Δημαρχία: ὅτε δῆμοϲ ἄρχει. καὶ ὄνομα ἀξιώματοϲ.

420 Δήμαρχοϲ: ἑκάϲτου δήμου τῶν ἐν Ἀθήναιϲ ὁ κατάρχων δήμαρχοϲ [*](Harp.) ἐλέγετο. οὗτοι δὲ τὰϲ ἀπογραφὰϲ ἐποιοῦντο τῶν προϲόντων ἑκάϲτῳ δήμῳ χωρίων. ἔτι δὲ καὶ τὰ ληξιαρχικὰ γραμματεῖα παρ΄ αὐτοῖϲ ἦν. ἀλλὰ καὶ ϲυνῆγον τοὺϲ δήμουϲ, ὁπότε δεήϲειεν, καὶ ψῆφον αὐτοῖϲ ἐδίδοϲαν, καὶ ἐνεχύραζον δὲ οὗτοι.

421 Δήμαρχοι· ὅτι ὁ δῆμοϲ εἰϲ τὴν προτέραν ἐπανελθὼν εὐκοϲμίαν δημάρχουϲ εἵλετο Δικίννιον καὶ Βροῦτον, οἳ τοῖϲ ὑπάτοιϲ εἰϲ τὸ αὐτὸ [*](418 cf. Ambr. 328 419 — ἄγχει ═ Ba 193, 1, H; l. ═ Ambr. 387 420 Harp. ═ Sabb., sch. Ar. Nu. 37 (cf. Zacher, Jb. f. cl. Ph. Suppl. 16, 659)) [*](415 vs. 5—6 cf. v. πρόξενοϲ 1 419 Z 499) [*](415 om. T, post 416 l. omisso A cf. ad p. 40, 8 1 μετ’— ἀνέϲτηϲε post A(GITFVM) 416 colloc. Bhd., locus desperatus 2 ναύτηϲ—13 Ἀλεξάνδρου] καὶ τὰ ἐξῆϲ F 3 παντὸϲ om. V 7 λόγουϲ—13 Ἀλεξάνδρου om V 8 ἑαυτὸν A 10 ψηφίϲματα A 13 ἥλω] ἑάλω pr. Ἀλεξάνδρου M: Ἀλεξάνδρῳ AGI 416 om. T ?? post 414 A 16 γέγονεν ὃϲ Bhd. 19 Προκλέουϲ] Πατροκλέουϲ M 22 γάμου VM 25 ἔπειϲεν] αὐτὸν ἔπειϲεν A)