Suidae lexicon

Suda

Suda, Suidae lexicon, Adler, Teubner, 1935

218
[*](Σ)

2444 Ἄννηττον: τὸ ἄννηϲϲον διὰ δύο νν καὶ διὰ δύο ττ.

[*](Δ |)

2445 Ἀνήφθη: ἐξήφθη, ἐκρεμάϲθη. ἢ ἀνεφλέχθη ὑπὸ πυρόϲ.

[*](Σ)

2446 Ἀνήχθημεν: ἀνεπλεύϲαμεν.

[*](ΣΕ?)

2447 Ἀνῆψεν: ἀνεκρέμαϲε θεοῖϲ. Εὐνάπιοϲ.

2448 Ἀνία: λύπη. τὸ νι μακρόν. Αἴαϲ γὰρ αὐτοῖϲ οὐκέτ᾿ ἐϲτὶν, [*](Soph.) ἀλλ’ ἐμοὶ λιπὼν ἀνίαϲ καὶ γόουϲ διοίχεται.

[*](Σ)

2449 Ἀνιαθείϲ: λυπηθείϲ.

[*](Σ)

2450 Ἀνιακκάϲ: ᾠδῆϲ ὄνομα. ὁ περιμανὼϲ καὶ μανέρωϲ. Εὔβουλοϲ Καμπυλίωνι.

[*](ΣΔ)

2451 Ἀνιαρόν: λυπηρόν. καὶ Ἀνιαρότερον. λέγεται καὶ Ἀνιγρόν.

2452 Ἀννίβαϲ ὁ Καρχηδόνιοϲ οὕτωϲ ἐκαλεῖτο. οἱ γὰρ Καρχηδόνιοι [*](EV) ϲτρατηγὸν ἀπέφηναν Ἀϲδρούβαν, τὸν τοῦ Βάρκα κηδεϲτήν. ὁ δὲ Ἀννίβαν τὸν οὐ πολὺ ὕϲτερον ἀοίδιμον ἐπὶ ϲτρατηγίαιϲ, παῖδά τε ὄντα τοῦ Βάρκα καὶ τῆϲ γυναικόϲ οἱ γινόμενον ἀδελφὸν ἔχων ἐν Ἰβηρίᾳ νέον ὄντα καὶ φιλοπόλεμον καὶ ἀρέϲκοντα τῷ ϲτρατῷ ὑποϲτράτηγον ἀπέφηνε, καὶ τῆϲ τε Ἰβηρίαϲ τὰ πολλὰ προϲηγάγετο, πιθανὸϲ ὢν ὁμιλῆϲαι, ἔϲ τε τὰ βίαϲ δεόμενα τῷ μειρακίῳ χρώμενοϲ. φύϲει δὲ φιλοπόλεμοϲ ἦν ὁ Ἀννίβαϲ, καὶ οὔ ποτε ἀργίαν ἔφερεν. ὕϲτερον δὲ ἐπὶ τρυφῆϲ ἦν οὐ ϲυνήθουϲ, ἐρωμένην τε εἶχεν ἄγριοϲ ἀνήρ· καὶ εὐθὺϲ αὐτῷ κατ᾿ ὀλίγον ἐτρέπετο πάντα. φηϲὶ δὲ Πολύβιοϲ, ὡϲ Ἀννίβαϲ νέοϲ μὲν ἦν, πλήρηϲ δὲ πολεμικῆϲ ὁρμῆϲ, ἐπιτυχὴϲ δὲ ἐν ταῖϲ ἐπιβολαῖϲ, πάλαι δὲ παρωρμημένοϲ πρὸϲ τὴν κατὰ τῶν [*](Ε?) Ῥωμαίων ἔχθραν. ὅτι Ἀννίβᾳ τῷ Καρχηδονίων ϲτρατηγῷ ἐδηλώθη παρὰ Ἄμμωνοϲ, ὡϲ ἀποθανὼν γῇ καλυφθήϲεται Λιβύϲϲῃ. καὶ ὁ μὲν ἤλπιϲεν ἀρχὴν τῶν Ῥωμαίων καθαιρήϲειν καὶ ἐν Λιβύη τελευτήϲειν. Φλαμινίου δὲ τοῦ Ῥωμαίων ϲτρατηγοῦ ϲπουδὴν ποιουμένου λαβεῖν αὐτὸν ζῶντα, ἀφίκετο παρὰ Προυϲίαν ἱκέτηϲ καὶ ἀπωϲθεὶϲ ἀπ᾿ αὐτοῦ ἀνεπήδα τε ἐπὶ τὸν ἵππον καὶ γυμνωθέντοϲ τοῦ ξίφουϲ τιτρώϲκεται [*](2444 ═ P, Ba 96, 23 cf. sch Nicand. Ther. 650 2445 — ἐξήφθη cf. ad 2423 2446 ═ P, Ba 96, 14 2447 — θεοῖϲ ═ P, Ba 96, 15 Εὐνάπιοϲ fr. 105, FHG 4, 55 2448 — μακρόν cf. Herodian. gramm. 1, 532, 1; 2, 454, 1 Αἴαϲ sq. Soph. Ai. 972— 3 2449 ═ P, Ba 99,1 2450 l. ═ Ba 99, 7; Eubul. fr. 46 2451 — λυπηρόν ═ P, Ba 99, 2. H ἀνιαρότερον cf. Ambr. 1963; ἀνιγρόν cf. sch. Nic. Ther. 8, Et. M. 110, 34 2452 vs. 12 οἱ—17 χρώμενοϲ App. Hisp. c. 6 ═ EV 2, 223, 16— 224, 2; φύϲει— ἔφερεν App. Hann. c. 17 ═ EV 2, 226, 21—22; ἐπὶ τρυφῆϲ—πάντα App. Hann. c. 43 ═ EV 2, 227, 10 —11; Πολύβιοϲ— ἔχθραν Polyb. 3, 15, 6 ═ EV 2, 91, 21 — 23 et EL 21, 19—21 Ἀννίβᾳ—p. 219, 6 πόλεμον Paus. Per. 8, 11,11 12) [*](2450 hinc v. Μανέρωϲ et v. Περιμανώϲ 2451 hinc 2453 2452 Z 172 App. Hisp. cf. 4134) [*](A(GITFSM))[*]( 1 διά alt. A δύο S om. rell. 8 ὁ] ὡϲ Hemsterh., Mein. fr. com. 3, 228 12 ἐκαλεῖτο] ἐπεκαλεῖτο GIT 13 Ἀϲδρούβαν A Ἀϲρούβαν GFS Exc. Ἀδρούβαν TIM ὁ] οἱ GIT 15 γινόμενον AFS γενόμενον rell. γιγνόμενον EV et EL. 528, 15 21 δέ AFS δὲ καί GITM 23 ἐπιβολαῖϲ AS Exc. ἐπιβουλαῖϲ F βολαῖϲ GITM τῶν] τήν S om. Exc. 28 ἀπ᾿ ] παῤ S ὑπ᾿ Paus.)

219
τὸν δάκτυλον. προελθόντι δὲ οὐ ϲτάδια πολλὰ πυρετὸϲ ἀπὸ τοῦ τραύματοϲ καὶ ἡ τελευτὴ τοῦ βίου ϲυνέβη. τὸ δὲ χωρίον, ἔνθα ϲυνέβη ἀποθανεῖν, ἐκάλουν οἱ Νικομηδεῖϲ Λίβυϲϲαν. καὶ Ἀθηναίοιϲ δὲ μάντευμα ἦλθεν ἐκ Δωδώνηϲ, Σικελίαν οἰκίζειν. καὶ οὐ πόρρω τῆϲδε λόφοϲ ἐϲτὶν ὴ Σικελία οὐ μέγαϲ. οἱ δὲ οὐ ϲυμφρονήϲαντεϲ τὸ εἰρημένον ἔϲ τε ὑπερορίουϲ ϲτρατιὰϲ προήχθηϲαν καὶ ἐϲ τὸν Συρακουϲίων πόλεμον. ὅτι θαυμαϲτόν ἐϲτι καὶ μέγιϲτον ϲημεῖον γεγονέναι τῇ φύϲει τὸν [*](Ε) ἄνδρα τοῦτον ἡγεμονικὸν καὶ πολύ τι διαφέροντα τῶν ἄλλων πρὸϲ τὸν πραγματικὸν τρόπον· ιζ΄ γὰρ ἔτη μείναϲ ἐν τοῖϲ ὑπαίθροιϲ πλεῖϲτά τε ἔθνη καὶ βάρβαρα διεξελθὼν καὶ πλείϲτοιϲ ἀνδράϲιν ἀλλοφύλοιϲ χρηϲάμενοϲ ϲυνεργοῖϲ πρὸϲ ἀπηλπιϲμέναϲ καὶ παραδόξουϲ ἐπιβολὰϲ, ὑπ᾿ οὐδενὸϲ ἑκουϲίωϲ ἐγκατελείφθη τῶν ἅπαξ αὐτῷ κοινωνηϲάντων καὶ δόντων ἑαυτοὺϲ εἰϲ χεῖραϲ. ὅπερ καὶ τὰ νῦν ἐμπολιτεύεται. ὅτι τὸ μέγεθοϲ τῆϲ τοῦ Ἀννίβου νίκηϲ τῆϲ πρὸϲ Ῥωμαίουϲ καὶ τῆϲ [*](Ε?) τῶν ἐναντίων ϲυμφορᾶϲ ὑπ᾿ ὄψιν ἀγαγεῖν τοῖϲ Καρχηδονίοιϲ μηχανώμενοϲ, τρεῖϲ μεδίμνουϲ Ἀττικοὺϲ πλήρειϲ χρυϲῶν δακτυλίων εἰϲ τὴν Λιβύην ἀπέπεμψεν, οὓϲ ἄρα τοὺϲ ἱππικοὺϲ καὶ βουλευτικοὺϲ ἄνδραϲ ϲκυλεύϲαϲ ἀνῄρητο. ὅτι ἄνδρεϲ τινὲϲ Καρχηδονίων ἐπὶ καταϲκοπῇ [*](Ε) τῶν ἐναντίων ϲταλέντεϲ ὑπὸ Ἀννίβου τοῖϲ Ῥωμαίοιϲ περιπίπτουϲιν. οὓϲ ἀχθένταϲ ὡϲ αὑτὸν ὁ Πόπλιοϲ κακὸν μὲν οὐδὲν εἰργάϲατο, περινοϲτῆϲαι δὲ κελεύει τὸ ϲτρατόπεδον καὶ δεῖπνον ἑλομένουϲ ἀποχωρεῖν ϲώουϲ, ἀπαγγελοῦνταϲ Ἀννίβᾳ τὰ περὶ τὴν ϲτρατιὰν ὡϲ ἔχει Ῥωμαίοιϲ.

2453 Ἀνιγρόϲ: ὁ φαῦλοϲ. λέγεται καὶ Ἀνιγρὸν, τὸ ἀνιαρόν.

[*](Δ Suid.)

2454 Ἀνιδιτὶ καὶ Ἀνιδρωτί. χωρὶϲ ἱδρῶτοϲ. οὐ γὰρ ἀνιδρωτὶ [*](Δ) καὶ ἀπεριμερίμνωϲ τάδε παρεϲτήϲαντο τὰ πολίϲματα. καὶ [*](Ε) αὖθιϲ· ἀνιδρωτὶ πρὸϲ τὸ ἄριϲτον οὐκ ἤρχοντο οἱ τοῦ Γύρου ϲτρατιῶται, [*](Ε) διὰ τὸ ἡδέωϲ ἐϲθίειν καὶ ὑγιαίνειν. καὶ ἄλλα πλεῖϲτα.

2455 Ἀνιδρωτί· ζήτει ἐν τῷ ἀπονητί.

2456 Ἀνίδρυτοι: ἀϲτήρικτοι. Δημοϲθένηϲ ἐν τῷ κατὰ Ἀριϲτογείτονοϲ [*](Σ + Harp.) ἀντὶ τοῦ ἀνεξίλαϲτοι.

[*](2452 ὅτι θαυμαϲτόν— χεῖραϲ Polyb. 23, 13, 1—2; ὅπερ—ἐμπολιτεὐεται etiam Polybio attr. Schweigh. 7, 548; ιζ΄— ἐγκατελείφθη ═ EV 2, 172, 19—22 ὅτι τὸ μέγεθοϲ—ἀνῃρητο ═ Exc. Planud. (Cass. D. 1 p. CXIX cf. CXII; Io. Antioch.) ὅτι ἄνδρεϲ sq. Eutrop. 63 2453 — φαῦλοϲ cf. H, Et. M. 110, 35 2454 — ἱδρῶτοϲ ═ Ambr. 2332 et 2346 cf. H, sch. Pl. Leg. 718e οὐ— πολίϲματα Th. Simoc. 1, 8, 11 ═ EL 223, 25 — 26 (cf. Byz. Zt. 23, 60) ἀνιδρωτί —ὑγιαίνειν Xen. Cyr. 2, 1, 29 2456 — ἀϲτήρικτοι ═ P, Ba 99, 3; Δημοϲθένηϲ (25, 52) sq. Harp. ═ An. Ox. 2, 489, 27, P, Ba 99, 5)[*](2453 Z 172; λέγεται sq. ex 2451)[*](5 (ϲυμφρονήϲαντεϲ AF Paus. ϲυμφωνήϲαντεϲ rell. 14 Ἀννίβου] Ἀννίβα A(GITFSM) ITMac 16 πλήρειϲ] καὶ βου A 17 ἀπέπεμψεν] ἀπέπεμπεν AF οὕϲ pr. ἅϲ omnes 19 Ῥωμαίοιϲ pr. Ῥωμαίων omnes 23 λέγεται — ἀνιαρόν om. TFS 25 πολίϲματα] πολίϲαντα M 26 ἀνιδρωτί] ἀ. καί, om. cum rasura πρόϲ — ἤρχοντο A 2455 ex A mg. 28 ἀπονητί Bhd. ἀνητί A 29 Ἀνίδρυτοι] Ἀνίδρωτον in. —τοι corr. F ἀϲτήρικτοι] ἀϲτήρικτον Fac 30 ἀνεξίλαϲτοι] ἀνεξίλαϲτον Fac Phot.)
220
[*](Hom.+Σ)

2457 Ἀνιεμένη κόλπον: ἀνέλκουϲα καὶ ἀναχαλῶϲα τὸν πέπλον, ἀπογυμνοῦϲα τὸ κατὰ τοὺϲ μαϲτοὺϲ κόλπωμα. καὶ αἶγαϲ ἀνιεμένουϲ.

[*](Σ)

2458 Ἀνιέντα: ἐνδόντα.

[*](Σ)

2459 Ἀνιέρειοϲ: ᾧ ἱερεῖα μὴ θύεται. καὶ Ἀνίεροϲ, ὁ ἱερῶν [*](Δ) μὴ μετέχων.

[*](Σ)

2460 Ἀνιερώϲαντεϲ: ἀναθέντεϲ.

[*](Ε)

2461 Ἀνίει: ἠφίει, ἐνεδίδου, ἐχαυνοῦτο. οὐδέν τι πλέον ἀίει ὁ νεανίαϲ. καὶ αὖθιϲ· ὁ δὲ οὐκ ἀνίει τοῦ δρόμου. καὶ ἀντὶ τοῦ [*](Ε) ἔληγεν. ὁ δὲ ἱκετεύων ὑπὲρ πάντων οὐκέτι ἀνίει. καὶ αὖθιϲ· ὁ δὲ ζητῶν οὐκ ἀνίει καὶ λαμβάνων οὐκ ἐνεπίμπλατο. καὶ αὖθιϲ· ὁ δὲ κακούμενοϲ πλέον ἤπερ διατιθεὶϲ ὅμωϲ οὐκ ἀνίει. καὶ αὖθιϲ· οἱ δὲ τὸ πολὺ τῆϲ τόλμηϲ παρεληλύθειϲαν. οὐ μὴν ἀνίεϲάν γε, ἀλλὰ παρακελευόμενοι ϲφίϲιν αὐτοῖϲ πάϲῃ δυνάμει προϲέκειντο τῇ πολιορκίᾳ. [*](Ε) καὶ αὖθιϲ· μήτε νύκτωρ μήτε μεθ᾿ ἡμέραν ἐπανιέντι τοῦ πλοῦ.

[*](Σ)

2462 Ἀνιείϲ: ἀφιείϲ, ἢ παρορμῶν.

[*](Hom.)

2463 Ἀνιηθέντα: λυπηθέντα.