Scholia in Sophoclem (scholia vetera)
Scholia in Sophoclem
Scholia in Sophoclem, Scholia in Sophoclem (scholia vetera), Papageorgius, Teubner, 1888
1370 φησὶ πρὸ τοῦ θανάτου ταῦτα διαθεῖναι ὅπως ἂν τοῖς γονεῦσι καθʼ Ἅιδου μὴ συντυγχάνῃ ὁρῶν· εἶναι γὰρ αὐτῷ τοῦτο αἰσχρόν.
1374 ἀγχόνης ἐπικρατέστερα, ἅπερ οὐκ ἦν ἰᾶσθαι οὐδὲ ἐν θανάτῳ· διὰ τούτου οὖν ἀπολογεῖται ὅτι μεῖζον κακὸν διεπράξατο εἰς ἑαυτὸν ἢ εἴπερ ἦν τελευτήσας.
1375 ἀλλʼ ἡ τέκνων ἐν ἐρωτήσει.
1384 κηλῖδα ὄνειδος καὶ συμφοράν.
[*](Fol. 48a )1396 κάλλος κακῶν ὡς εἰ ἔλεγεν τὸ κράτιστον τῶν κακῶν.
ὕπουλον ὕποπτον.
1400 τοὐμὸν αἷμα τὸ τοῦ πατρός φησιν.
1401 ὅτι γράφε ὅταν.
1406 ἐμφύλιον συγγενικόν.
1409 γνώμη.
1413 ἴτʼ πορεύεσθε.
1416 ὧν ἐπαιτεῖς ὧν χρείαν ἔχεις εἰς βοήθειαν.
1425 γένεθλα τὰ τέκνα.
1434 ὑπὲρ σοῦ καὶ οὐχ ὑπὲρ ἐμαυτοῦ λέξω.
1442 ὁ μὲν τῷ προειρημένῳ χρησμῷ ἀξιοῖ ἀκολουθεῖν ὅτι δεῖ ῥίπτειν αὐτὸν ἀπὸ τῆς χώρας ὁ δὲ Κρέων ἐπανερέσθαι φησὶ δεῖν ὅτι καὶ Λαΐου παῖς καὶ βασιλεὺς τυγχάνει.
[*](7 ἐπικρατεστέρα L, corr. Lasc. — 8 διὰ τούτου φ οὖν, φησὶν eraso, L. — 16 τὸ] τα L, corr. G. — 23 ὑπὲρ] ὑπὸ utrobique L, corr. Lasc. — 26 ἐπανέρεσθαι L, corr. Wunderus.)ἡ χρεία ἡ κατέχουσα ἡμᾶς, φησί, ταῦτα [*](Fol. 48b) ἀπαιτεῖ.
1445 ἵνα καὶ μετὰ γνώμης θεοῦ ἀπέλθῃς.
1453 κύριον ἴδιον· ἢ ὀφειλόμενον καὶ κεκυρωμένον.
1454 ἵνα δόξω νῦν ἀναιρεῖσθαι ἐν τῷ Κιθαιρῶνι καθὼς τοῖς γονεῦσιν ἐδόκει καὶ νῦν τῷ βουλήματι αὐτῶν ἀπόλλυμαι.
1463 αἷν δυικόν ἐστι, τῶν κορῶν.
1465 μετειχέτην ἀντὶ ἐμοί.
1471 αἰσθάνεται τῶν θυγατέρων παρουσῶν.