Scholia in Euripidis Orestem (scholia vetera et scholia recentiora Thomae Magistri, Triclinii, Moschopuli et anonyma)

119.

εὐμενῆ

: γρ. πρευμενῆ, ὅ ἐστι πραϋμένη καὶ προσφιλῆ. M.

ἄνωγε

: κέλευε. Gr. παρακάλει, λέγε αὐτήν. ἀνώγω κυρίως τὸ προστάσσω. Gu.

121.

τοῖν τ’ ἀθλίοιν τοῖνδε

: καὶ αὐτῶν μέμνηται, ἵνα μὴ δόξῃ παντελῶς λιθοκάρδιος εἶναι, ὅμως μετὰ ἀρᾶς· τὸ γὰρ οὓς ἀπώλεσεν θεός δοκεῖ μὲν συναχθομένη λέγειν, πανούργως δὲ ἐμφαίνει ὅτι καὶ θεοῖς ἀπηχθημένοι εἰσίν· οὐ γὰρ ἀπολλύει εἶπεν, ἀλλὰ ἀπώλεσεν, ὡς ἐγνωσμένης ἤδη τῆς παρὰ θεῶν δυσμενείας. A. B.M.I.

122.

ἃ δ’ εἰς ἀδελφήν

: ἃ δὲ νενόμισται τοῖς νεκροῖς ποιεῖν, ταῦτα κἀμὲ ὑπισχνοῦ εἰς τὴν ἀδελφὴν ποιεῖν. A.B.C. M.I. Ἄλλως. ἅπαντα δὲ δωρήματα τὰ τῶν νεκρῶν δωρήματα, ἃ εὐκαίρως εἰς ἀδελφὴν ἐμὴν ἐκπονεῖν ὑπισχνοῦ. B.M. I. Ἄλλως. ἃ δὲ δωρήματα τῶν κάτω, τουτέστι προσήκοντα τοῖς κάτω, καιρός ἐστι, δηλονότι ἁρμόδιος, ἐνεργεῖν ἐμὲ εἰς τὴν ἐμὴν ἀδελφὴν, ἅπαντα ὑπισχνοῦ. Gr. I. ἃ δὲ δωρήματα τῶν νερτέρων καιρὸς ὑπάρχει ἐκπονεῖν εἰς τὴν ἐμὴν ἀδελφὴν, ἅπαντα ὑπισχνοῦ. διὰ δὲ τοῦ ἐκπονεῖν ἐδήλωσεν ὅτι μεγαλοπρεπῆ τινα, πέπλους, ἔμελλε κατασκευάσαι. ἦθος γὰρ εἶχον τοῦτο ἐπὶ τοῖς τάφοις πέπλους ἐκτίθεσθαι, ὡς καὶ ἡ τοῦ Ὀδυσσέως Πηνελόπη τὸν ἱστὸν, ὃν ὕφαινε θέλουσα τοὺς μνηστῆρας ἐκφυγεῖν, ἐπὶ τὸν τοῦ Ὀδυσσέως ἔμελλε θεῖναι τάφον. Fl. 59.

123.

νερτέρων

: τῶν κάτω, ἤγουν τῶν νεκρῶν. Gr. ἃ δωροῦνται οἱ ζῶντες τοῖς νεκροῖς. Gu.