Christus Patiens [Dub.] (Fort. Auctore Constantino Manasse)
Gregory, of Nazianzus
Gregorius Nazianzenus, Christus Patiens, Brambs, Teubner, 1885
- ὡς νῦν κάκιστον γῆρας ἅπαντας τρύχει,
- ναὶ ναὶ τρύχει γῆράς με πημάτων βάρει
- λώβης παλαιᾶς μητρὸς ἠπατημένης·
- ἀλλ’ αὐτὸς ἀλύξαι με πημάτων ἔφη
- αὐτὴν πρὸς αὐτὸν μητέρα στρέψαι τ᾿ ἐμὴν
- καὶ γαῖαν οἶκόν θ’, ὃν προδοῦσ’ ἀφίκετο
- βουλαῖς ἀνάγνοις θηρὸς ἠγριωμένου
- ἐς τήνδε γαῖαν, μητέρα στεναγμάτων,
- μετ᾿ ἀνδρὸς, ὃν πρὶν ἥδ’ ἀτιμάσασ’ ἔγνω·
- ἔγνω γὰρ ἡ τάλαινα συμφορῶν ὕπο,
- οἷον τὸ λιπεῖν οὖθαρ ἀρούρης πάρος.
- Καὶ τοῦδ’ ἕκητι πάνθ’ ὑποστῆναι θέλειν
- αὐτὸς προεῖπε καὶ θέλων ἔτλη μόρον,
- ἤματι τριτάτῳ δ’ ἀνεγρέσθαι τάφου,
- μύσταις φίλοις φέροντα χάρμα καὶ μέγα.
- Εἰδώς τε ταῦτα πάντα πρὶν σαφῶς ἔφη.
- Ἤδη δ’ ἔχει ξύμπαντα ταῦτα νῦν τέλος,
- λείπει δὲ γηθόσυνον ἦμαρ καὶ μόνον,
- καὶ τοῦτο νῦν μενοῦμεν, ἔσται δ’, ὡς ἔφη.
- Ὁ γὰρ τὰ λυπρὰ νητρεκῆ νῦν γνωρίσας