Christus Patiens [Dub.] (Fort. Auctore Constantino Manasse)

Gregory, of Nazianzus

Gregorius Nazianzenus, Christus Patiens, Brambs, Teubner, 1885

  1. Οὐκ οἶδ’· ἔοικε δ’ οὐ μακρὰν ὅδ’ ἄγγελος
  2. λέξειν τἀκεῖθεν σοῦ φίλου Παιδὸς πέρι.
ΑΓΓΕΛΟΣ.
  1. Ἔδοξε θανεῖν Παῖδα σὸν τῇδ’ ἡμέρᾳ
  2. γραμματέων ψήφῳ τε καὶ πρεσβυτέρων.
ΘΕΟΤΟΚΟΣ.
  1. οἴμοι, προσῆλθεν ἐλπὶς, ἣν φοβουμένη
  2. πάλαι τὸ μέλλον ἐξετηκόμην γόοις
ΧΟΡΟΣ.
  1. Ἀτὰρ τίς ἀγὼν, τίνες Ἑβραίων λόγοι
  2. καθεῖλον αὐτὸν κἀπεκύρωσαν θανεῖν;
ΘΕΟΤΟΚΟΣ.
  1. Γυναῖκες, αἱ τῆσδ’ ἐγγὺς ἐστὲ συμφορᾶς.
  2. γυναῖκες, οὐκ ἀνάσχετ’, οὐκ ἀνέξομαι·
  3. ῥίψω, μεθήσω σῶμ’, ἀπαλλαγήσομαι
  4. βίου θανοῦσα· χαίρετ’, οὐκέτ᾿ εἴμ᾿ ἐγώ.
  5. Σὺ δ’ εἰπὲ, τίνι κέκριται τρόπῳ θανεῖν
  6. Παῖδ’ ; ἆρα λευσίμῳ χερὶ ψῆφος θανεῖν
  7. ἢ δὴ σιδήρῳ πνεῦμ’ ἀπορρῆξαι κρίσις;
[*](363 Orest. 849 sq. 364 ibid. 849. 365—68 ibid. —54. 369 Med. 1282. 370 Hipp. 355. 371 sq. Hipp. 357 sq. 373 Bacch. 1030. 374 Orest. 849. 374 sq. Orest. 855 sq.)[*](361 ἴοικεν οὐ Α. 362 λέξιν Μ. 363 θανεῖν post σὸν repetit Α. 367 sq. Deiparae M, 367 Deiparae, 368 nuntio Α tribuit. τὸν εσ ἐβραίων Μ, ἐβρέων D. 368 κἀπεκύρωσαν σανθανεῖν Μ. Similes dittographiae in hoc complures, quas non notabo. 369 ἐγγὺς om. Α. ἔστε D, ἐστὲ ceteri et d. ξυμφορᾶς BD, ξυμφορὰς V, συμφορᾶω Μ. 370 ἀνάσχετ᾿ οὐκ CM, cf. Etym. Gud. s. V. ἀνασχὼν; ἀνασχέτ’ de et Eur. plurimi, ἀνέχετε τοῦδ’ (inter versus ead. m. τοὐκ) ἂν ἐξώμεναι Α, οὐκ ἀνἐξετ’, οὐκ DB, hic cum ἀνέχετ’ inter versus, οὐκ ἀνέξομ’ οὐκ V. 372 εἰμ’ VD, εἶμ’ ceteri, εἴμ’ Eur. 373 τρόπῳ κέκριται CM. 374 ἄρα CMA. 375 ἢ δὴ σιδ. CA, ἢ δὸ σειδήρω Μ, ἢ σιδήρῳ Β, ἢ σιδάρω VD. κρίσεις Μ.)
50
ΑΓΓΕΛΟΣ.
  1. Ἐτύγχανον μὲν ἀγρόθεν πυλῶν ἔσω
  2. βαίνων, πυθέσθαι δ’ ἤθελον τοῦ δὴ πέρι·
  3. σῷ γὰρ ἀεί ποτ᾿ εἶχον εὔνοιαν τέκνῳ,
  4. βλέπων νιν, οἷ’ ἔρεξε θαυμέστ’ ἐν βροτοῖς,
  5. κἀμοῦ δὲ διήνοιξεν ὀμμάτων κόρας·