The Epistle to the Philippians of Saint Polycarp

Polycarp

Polycarp, Epistula ad Philippenses, Apostolic Fathers 1, Lake, 1912

Ἀρχὴ δὲ πάντων χαλεπῶν φιλαργυρία. [*](I Tim. 6, 10 I Tim. 6. 7; cf. Job. 1, 21 II Cor. 6, 7)εἰδότες οὖν ὅτι οὐδὲν εἰσηνέγκαμεν εἰς τὸν κόσμον, ἀλλ̓ οὐδὲ ἐξενεγκεῖν τι ἔχομεν, ὁπλισώμεθα τοῖς ὅπλοις τῆς δικαιοσύνης καὶ διδάξωμεν ἑαυτοὺς πρῶτον πορεύεσθαι ἐν τῇ ἐντολῇ τοῦ κυριοῦ:

ἔπειτα καὶ τὰς γυναῖκας ἡμῶν [*](The MSS read h(mw=n your, but the confusion betseen u(mw=n and h(mw=n is so common that our may safely be restored.) ἐν τῇ δοθείσῃ αὐταῖς πίστει καὶ ἀγάπῃ καὶ ἁγνείᾳ στεργούσας

288
τοὺς ἑαυτῶν ἄνδρας ἐν πάσῃ ἀληθείᾳ καὶ ἀγαπώσας πάντας ἐξ ἴσου ἐν πάσῃ ἐγκρατείᾳ, καὶ τὰ τέκνα παιδεύειν τὴν παιδείαν τοῦ φόβου τοῦ θεοῦ:

τὰς χήρας σωφρονούσας περὶ τὴν τοῦ κυρίου [*](1 Tim. 5, 5) πίστιν, ἐντυγχανούσας ἀδιαλείπτως περὶ πάντων, μακρὰν οὔσας πάσης διαβολῆς, καταλαλιᾶς, ψευδομαρτυρίας, φιλαργυρίας καὶ παντὸς κακοῦ, γινωσκούσας ὅτι εἰσὶ θυσιαστήριον θεοῦ καὶ ὅτι πάντα μωμοσκοπεῖται, καὶ λέληθεν αὐτὸν οὐδὲν [*](I Cor. 14, 26) οὔτε λογισμῶν οὔτε ἐννοιῶν οὔτε τι τῶν κρυπτῶν τῆς καρδίας.