Job
Septuaginta
Septuaginta. The Old Testament in Greek According to the Septuagint. Volume 2: I Chronicles-Tobit. Swete, Henry Barclay, editor. Cambridge: Cambridge University Press, 1896.
- ῾Υπολαβὼν δὲ Ἰὼβ λέγει
- Ἀκούσατε, ἀκούσατέ μου τῶν λόγων,
- ἴνα μὴ ᾖ μοι παρʼ ὑμῶν αὕτη ἡ παράκλησις.
- ἄρατέ με, ἐγὼ δὲ λαλήσω,
- κἶτ᾿ οὐ καταγελάσετέ μου.
- τί γάρ μὴ ἀνθρώπου μου ἡ ἔλεγξις
- ἤ διὰ τί οὐ θυμωθήσομαι
- εἰσβλέψαντες εἰς ἐμὲ θαυμάσετε,
- χεῖρα θέντες ἐπὶ σιαγόνι.
- ἐάν τε γὰρ μνησθῶ, ἐσπούδακα,
- ἔχουσιν δέ μου τὰς σάρκας ὀδύναι.
- διὰ τί ἀσεβεῖς ζῶσιν,
- πεπαλαίωνται δὲ καὶ ἐν πλούτῳ;
- ὁ σπόρος αὐτῶν κατὰ ψυχὴν,
- τὸ δὲ τέκνα αὐτῶν ἐν ὀφθαλμοῖς.
- οἱ οἶκοι αὐτῶν εὐθηνοῦσιν, φόβος δὲ οὐδαμοῦ,
- μάστιξ δὲ παρὰ Κυρίου οὐκ ἔστιν αὐτοῖς.
- ἡ βοῦς αὐτῶν οὐκ ὠμοτόκησεν.
- διεσώθη δὲ αὐτῶν ἐν γαστρὶ ἔχουσα καὶ οὐκ ἔσφαλεν.
559
- μένουσιν δὲ ὡς πρόβατα αἰώνια, [*](Β)
- τὰ δὲ παιδία αὐτῶν προσπαίζουσιν·
- ἀναλαβόντες ψαλτήριον καὶ κιθάραν
- καὶ εὐφραίνονται φωνῇ ψαλμοῦ.
- συνετέλεσαν δὲ ἐν ἀγαθοῖς τὸν βίον αὐτῶν,
- ἐν δὲ ἀναπαύσει ᾂδου ἐκοιμήθησαν.
- λέγει δὲ Κυρίῳ Ἀπόστα ἀπʼ ἐμοῦ, ὁδούς σου εἰδέναι οὐ
- βούλομαι·
- τἰ ἱκανὸς ὅτι δουλεύσομεν αὐτῷ;
- καὶ τίς ὠφελία ὅτι ἀπαντήσομεν αὐτῷ;
- ἐν χερσὶν γὰρ ἦν αὐτῶν τὰ ἀγαθά,
- ἔργα δὲ ἀσεβῶν οὐκ ἐφορᾷ.
- οὐ μὴν δὲ ἀλλὰ καὶ ἀσεβῶν λύχνος σβεσθήσεται,
- ἐπελεύσεται δὲ αὐτοῖς ἡ καταστροφή,
- ὠδίνες δὲ ἕξουσιν αὐτοὺς ἀπὸ ὀργῆς.
- ἔσονται δὲ ὥσπερ ἄχυρα ὑπὸ ἀνέμου,
- ἤ ὥσπερ κονιορτὸς ὅν ὑφείλατο λαῖλαψ.
- ἐκλίποι υἱοὺς τὰ ὑπάρχοντα αὐτοῦ·
- ἀνταποδώσει πρὸς αὐτὸν καὶ γνώσεται.
- ἴδοισαν οἱ ὀφθαλμοὶ αὐτοῦ τὴν ἑαυτοῦ σφαγήν,
- ἀπὸ δὲ Κυρίου μὴ διασωθείη·