Descriptio Graeciae

Dionysius, Calliphontis

Dionysius, Calliphontis, creator; Geographi graeci minores Volumen Primum, ed. Karl Müller; Ambroise Firmin Didot, Paris, 1855

  • ἔσθʼ ἡμερῶν. Ἔχει δὲ ποταμὸν λεγόμενον
  • Ἄρατθον εἰς θάλατταν ἐξιόντα, καί
  • ὄρος πρόσεστιν ἱερὸν ἐπικεκλημένον.
  • Σταδίων δʼ ὁ παράπλους ἐστὶν ἑκατὸν εἴκοσιν.
  • Εἶτα μετὰ ταύτην εἰσʼ Ὀρέσται λεγόμενοι·
  • εἶτ᾿ Ἀμφιλοχία δʼ ἄργος ἐνταῦθʼ ἔστι τό
  • Ἀμφιλοχικόν. Μετὰ τοῦτʼ Ἀκαρνᾶνες· πόλεις
  • οὗτοι δʼ ἔχουσι πλείονας, καὶ Λευκάδα,
  • ἀφʼ ἧς μέγας ἐστὶ κόλπος εἰς Ἰσθμὸν φέρων.
  • Νῆσοι Κεφαλλήνων δʼ ἐν αὐτῷ κείμεναι·
  • Ἰθάκη σταδίων [ὡς] ὀγδοήκοντα, στενή,
    • 240
  • ὕψος δʼ ἔχουσα καὶ λιμένας τρεῖς· ἐχομένη ---
  • πρὸς ἐκπέραν δʼ οἰκοῦσι τῆς Αἰτωλίας ---
  • Ἱερὸν δʼ ὕπεστιν Ἡρακλέους καλούμενον,
  • ἕτερον δʼ Ἀφροδίτης. Ποταμὸν ἡ χώρα δʼ ἔχει
  • Ἀχελῷον. Ἡμερῶν δὶ καὶ νυκτῶν δύο
  • ἔσθʼ ὁ παράπλους αὐτῆς. Ἔχεται δʼ Αἰτωλία,
  • ἐν ᾗ πόλις Πλευρὼν ὑπόκειται, χἱερόν
  • ἅγιον Ἀθηνᾶς ἐστιν ὠνομασμένον.
  • Ἔπειτα Καλυδὼν, εἶτεν αἵ τʼ Ἐχινάδες