Olympian
Pindar
Pindar. The Odes of Pindar. Sandys, John Edwin, editor. London: William Heinemann; Cambridge: Harvard University Press. 1937 (reprint).
- ἁλίκεσσι συμπόταις
- νέκταρ ἀμβροσίαν τε
- δῶκεν, οἷσιν ἄφθιτον
- θῆκαν. εἰ δὲ θεὸν ἀνήρ τις ἔλπεταί τι λαθέμεν ἔρδων, ἁμαρτάνει.
- τοὔνεκα προῆκαν υἱὸν ἀθάνατοί οἱ πάλιν
- μετὰ τὸ ταχύποτμον αὖτις ἀνέρων ἔθνος.
- πρὸς εὐάνθεμον δʼ ὅτε φυὰν
- λάχναι νιν μέλαν γένειον ἔρεφον.
- ἑτοῖμον ἀνεφρόντισεν γάμον
- Πισάτα παρὰ πατρὸς εὔδοξον Ἱπποδάμειαν
- σχεθέμεν. ἐγγὺς ἐλθὼν πολιᾶς ἁλὸς οἶος ἐν ὄρφνᾳ
- ἄπυεν βαρύκτυπον
- Εὐτρίαιναν· ὁ δʼ αὐτῷ
- πὰρ ποδὶ σχεδὸν φάνη.
- τῷ μὲν εἶπε· φίλια δῶρα Κυπρίας ἄγʼ εἴ τι, Ποσείδαον, ἐς χάριν
- τέλλεται, πέδασον ἔγχος Οἰνομάου χάλκεον,
- ἐμὲ δʼ ἐπὶ ταχυτάτων πόρευσον ἁρμάτων
- ἐς Ἆλιν, κράτει δὲ πέλασον.
- ἐπεὶ τρεῖς τε καὶ δέκʼ ἄνδρας ὀλέσαις
- ἐρῶντας ἀναβάλλεται γάμον