Frogs

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. εὖ γʼ ὦ Πόσειδον· σὺ δὲ τίνα γνώμην ἔχεις;
Αἰσχύλος
  1. οὐ χρὴ λέοντος σκύμνον ἐν πόλει τρέφειν,
  2. μάλιστα μὲν λέοντα μὴ νʼ πόλει τρέφειν,
  3. ἢν δʼ ἐκτραφῇ τις, τοῖς τρόποις ὑπηρετεῖν.
Διόνυσος
  1. νὴ τὸν Δία τὸν σωτῆρα δυσκρίτως γʼ ἔχω·
  2. ὁ μὲν σοφῶς γὰρ εἶπεν, ὁ δʼ ἕτερος σαφῶς.
  3. ἀλλʼ ἔτι μίαν γνώμην ἑκάτερος εἴπατον
  4. περὶ τῆς πόλεως ἥντινʼ ἔχετον σωτηρίαν.
Εὐριπίδης
  1. εἴ τις πτερώσας Κλεόκριτον Κινησίᾳ,
  2. αἴροιεν αὖραι πελαγίαν ὑπὲρ πλάκα.
Διόνυσος
  1. γέλοιον ἂν φαίνοιτο· νοῦν δʼ ἔχει τίνα;
Εὐριπίδης
  1. εἰ ναυμαχοῖεν κᾆτʼ ἔχοντες ὀξίδας
  2. ῥαίνοιεν ἐς τὰ βλέφαρα τῶν ἐναντίων.
  3. ἐγὼ μὲν οἶδα καὶ θέλω φράζειν.
Διόνυσος
  1. λέγε.
Εὐριπίδης
  1. ὅταν τὰ νῦν ἄπιστα πίσθʼ ἡγώμεθα,
  2. τὰ δʼ ὄντα πίστʼ ἄπιστα.
Διόνυσος
  1. πῶς; οὐ μανθάνω.
  2. ἀμαθέστερόν πως εἰπὲ καὶ σαφέστερον.
Εὐριπίδης
  1. εἰ τῶν πολιτῶν οἷσι νῦν πιστεύομεν,
  2. τούτοις ἀπιστήσαιμεν, οἷς δʼ οὐ χρώμεθα,
  3. τούτοισι χρησαίμεσθʼ, ἴσως σωθεῖμεν ἄν.