Frogs

Aristophanes

Aristophanes. Aristophanis Comoediae, Vol. 2. Hall, F. W. and Geldart, William M., editors. Oxford: Clarendon Press, 1907.

  1. λήψει γὰρ ὀβολοῦ πάνυ καλήν τε κἀγαθήν.
Εὐριπίδης
  1. μὰ τὸν Δίʼ οὔπω γʼ· ἔτι γὰρ εἰσί μοι συχνοί.
  2. Οἰνεύς ποτʼ ἐκ γῆς—
Αἰσχύλος
  1. ληκύθιον ἀπώλεσεν.
Εὐριπίδης
  1. ἔασον εἰπεῖν πρῶθʼ ὅλον με τὸν στίχον.
  2. Οἰνεύς ποτʼ ἐκ γῆς πολύμετρον λαβὼν στάχυν
  3. θύων ἀπαρχάς—
Αἰσχύλος
  1. ληκύθιον ἀπώλεσεν.
Διόνυσος
  1. μεταξὺ θύων; καὶ τίς αὔθʼ ὑφείλετο;
Εὐριπίδης
  1. ἔα αὐτὸν ὦ τᾶν· πρὸς τοδὶ γὰρ εἰπάτω.
  2. Ζεύς, ὡς λέλεκται τῆς ἀληθείας ὕπο—
Διόνυσος
  1. ἀπολεῖ σʼ· ἐρεῖ γάρ, ληκύθιον ἀπώλεσεν.
  2. τὸ ληκύθιον γὰρ τοῦτʼ ἐπὶ τοῖς προλόγοισί σου
  3. ὥσπερ τὰ σῦκʼ ἐπὶ τοῖσιν ὀφθαλμοῖς ἔφυ.
  4. ἀλλʼ ἐς τὰ μέλη πρὸς τῶν θεῶν αὐτοῦ τραποῦ.
Εὐριπίδης
  1. καὶ μὴν ἔχω γʼ οἷς αὐτὸν ἀποδείξω κακὸν
  2. μελοποιὸν ὄντα καὶ ποιοῦντα ταὔτʼ ἀεί.
Χορός
  1. τί ποτε πρᾶγμα γενήσεται;
  2. φροντίζειν γὰρ ἔγωγʼ ἔχω,
  3. τίνʼ ἄρα μέμψιν ἐποίσει
  4. ἀνδρὶ τῷ πολὺ πλεῖστα δὴ
  5. καὶ κάλλιστα μέλη ποιήσαντι