GetPassage urn:cts:latinLit:phi1318.phi001.perseus-lat1:6.3.1-6.3.2 urn:cts:latinLit:phi1318.phi001.perseus-lat1:6.3.1-6.3.2

Gratias ago, quod agellum quem nutrici meae donaveram colendum suscepisti. Erat, cum donarem, centum milium nummum; postea decrescente reditu etiam pretium minuit, quod nunc te curante reparabit.

Tu modo memineris commendari tibi a me non arbores et terram, quamquam haec quoque, sed munusculum meum, quod esse quam fructuosissimum non illius magis interest quae accepit, quam mea qui dedi. Vale.