GetPassage urn:cts:latinLit:phi1318.phi001.perseus-lat1:6.16.21-6.16.22 urn:cts:latinLit:phi1318.phi001.perseus-lat1:6.16.21-6.16.22

Interim Miseni ego et mater - sed nihil ad historiam, nec tu aliud quam de exitu eius scire voluisti. Finem ergo faciam.

Unum adiciam, omnia me quibus interfueram quaeque statim, cum maxime vera memorantur, audieram, persecutum. Tu potissima excerpes; aliud est enim epistulam aliud historiam, aliud amico aliud omnibus scribere. Vale.