GetPassage urn:cts:latinLit:phi1318.phi001.perseus-lat1:2.15.1-2.15.2 urn:cts:latinLit:phi1318.phi001.perseus-lat1:2.15.1-2.15.2

Quo modo te veteres Marsi tui? quo modo emptio nova Placent agri, postquam tui facti sunt? Rarum id quidem nihil enim aeque gratum est adeptis quam concupiscentibus.

Me praedia materna parum commode tractant, delectant tamen ut materna, et alioqui longa patientia occallui. Habent hunc finem assiduae querellae, quod queri pudet. Vale.