GetPassage urn:cts:latinLit:phi0893.phi001.perseus-lat2:3.17.1-3.17.16 urn:cts:latinLit:phi0893.phi001.perseus-lat2:3.17.1-3.17.16
Aeli vetusto nobilis ab Lamo,quando et priores hinc Lamias feruntdenominatos et nepotumper memores genus omne fastos,auctore ab illo ducis originem,qui Formiarum moenia diciturprinceps et innantem Maricaelitoribus tenuisse Lirim,late tyrannus:— cras foliis nemusmultis et alga litus inutilidemissa tempestas ab Eurosternet, aquae nisi fallit augurannosa cornix. dum potes, aridumconpone lignum: cras genium merocurabis et porco bimenstricum famulis operum solutis.