GetPassage urn:cts:latinLit:phi0893.phi001.perseus-lat2:2.8.13-2.9.8 urn:cts:latinLit:phi0893.phi001.perseus-lat2:2.8.13-2.9.8
ridet hoc, inquam, Venus ipsa, ridentsimplices Nymphae, ferus et Cupidosemper ardentis acuens sagittascote cruenta.adde quod pubes tibi crescit omnis,servitus crescit nova nec prioresinpiae tectum dominae relinquunt,saepe minati.te suis matres metuunt iuvencis,te senes parci miseraeque nupervirgines nuptae, tua ne retardetaura maritos.
Non semper imbres nubibus hispidosmanant in agros aut mare Caspiumvexant inaequales procellaeusque nec Armeniis in oris,amice Valgi, stat glacies inersmensis per omnis aut Aquilonibusquerceta Gargani laborantet foliis viduantur orni: