GetPassage urn:cts:latinLit:stoa0224b.stoa001.opp-lat1:1.321-1.340 urn:cts:latinLit:stoa0224b.stoa001.opp-lat1:1.321-1.340

extorsit tenuem consumpto corpore uitam. ac tum forte absens doctor: sed sedula fratrum religio exanimum plangebat maesta cadauer, maerens supplicio fratris, non funere carnis. adueniens sanctus fletu rigat ubere uultum, defuncti tristem casum miseratus, et omnem inpleuit clamore locum. mox teste remoto inrupit maestam tam tristi funere cellam. tum super exanimum sese proiecit amicum, cunctis frigentes membris conplectitur artus adspirans tenuem super ora rigentia flatum. attamen ad dominum penitus spes tota refertur: adsueta oratur pietas, miseratio nota poscitur et meritum fidei credendo meretur. uidit adesse deum puri fiducia cordis, effectumque piis senserunt uiscera flabris. nec mora uix geminis uotum suspenditur horis: paulatim incussis motantur lintea membris arentesque artus uenarum umore rigantur afflatuque animae pectus glaciale tepescit,