GetPassage urn:cts:latinLit:stoa0171.stoa001.opp-lat3:31-40 urn:cts:latinLit:stoa0171.stoa001.opp-lat3:31-40

Hoc nemus, hos lucos auis incolit unica Phoenix, Unica, sed uiuit morte refecta sua. Paret et obsequitur Phoebo memoranda satelles: Hoc natura parens munus habere dedit. Lutea cum primum surgens Aurora rubescit, Cum primum rosea sidera luce fugat, Ter quater illa pias inmergit corpus in undas, Ter quater e uiuo gurgite libat aquam. Tollitur ac summo considit in arboris altae Vertice, quae totum despicit una nemus,