GetPassage urn:cts:latinLit:stoa0149p.stoa001.opp-lat1:31-44 urn:cts:latinLit:stoa0149p.stoa001.opp-lat1:31-44

uirgo tamen mater et magni coniugis expers ignorat causam subolis. sed gaudia nouit. tu sacri sermonis opus. satus ore paterno. uerbigena diues. linguae mirabile germen. commixtumque genus caeli terraeque. potenter ut caeli terraeque simul te cura moueret. tu uirtute leo. placidis tu mentibus agnus: I tu stator gladiusque patris: tu dextera summi. uiuorum iudex. iudex tu luce carentum. cunctorum genitor solum te dicere natum dignatur. solum communis cura parentum: heres tantorum solus tu iure bonorum. Hunc tu olim. dictis uariata imagine rerum. spondebas terris. genitor. per carmina Regum.