et in carne maxime constitutus,
in quo et eius humilitas enituit saeculo et inenarranda
resplenduit bonitas et condescensio fragilitatis humanae, in
tanta
humano, haec ita dignatus est operari atque loqui pro
nostra salute, ut nos scire de deo et capere et intellegere
aliqua ex parte ualeamus.
Alia est heresis quae de caelorum diuersitate ambigit.
Scriptura enim in primo die caelum et terram factam declarat
duo haec elementa, secundo die firmamentum aquae factum,
et nihilominus et ipsum firmamentum caelum appellatum
fuisse testatur.
Dauid autem dicit de caelis ita: Laudate
dominum deum caeli caelorum, et aquae quae
super caelos sunt.
Dauid, et septimum hoc firmamentum accipere quis uoluerit,
non errat: nam Salomon tres caelos dicit ita: Caelum et
caelum caeli.
Paulus aeque beatus apostolus usque ad
tertium caelum se raptum confitetur. Siue ergo septem quis
acceperit, ut Dauid beatus, siue tres, siue duo, non errat,
quia et dominus ait: Pater qui in caelis est.