Alia est heresis quae dicit mundos esse infinitos et innumerabiles,
secundum filosoforum quorundam inanem sententiam,
cum scriptura mundum unum dixerit et de uno nos
edocuerit, haec etiam de apocryfis prophetarum, id est secretis,
ut ipsi pagani dixerunt, sumentes;
ut et Democritus ille,
qui multos
hoc praedicat, multorum animas sensusque dubios diuersis
erroribus concitauit.