GetPassage urn:cts:latinLit:stoa0089.stoa009.perseus-lat2:2.1.21-2.1.40 urn:cts:latinLit:stoa0089.stoa009.perseus-lat2:2.1.21-2.1.40

discedam: cum luce simul linquenda potestas.”Haec fatus, ventis veluti si frena resolvatAeolus, abrupto gentes sic obice fuditlaxavitque viam bellis et, nequa maneretinmunis regio, cladem divisit in orbem disposuitque nefas. alii per terga ferocisDanuvii solidata ruunt expertaque remosfrangunt stagna rotis; alii per Caspia claustraArmeniasque nives inopino tramite ductiinvadunt Orientis opes, iam pascua fumant Cappadocum volucrumque parens Argaeus equorum,iam rubet altus Halys nec se defendit iniquomonte Cilix. Syriae tractus vastantur amoeniadsuetumque choris et laeta plebe canorumproterit imbellem sonipes hostilis Orontem. hinc planctus Asiae; Geticis Europa catervisludibrio praedaeque datur frondentis ad usqueDalmatiae fines: omnis quae mobile Pontiaequor et Adriacas tellus interiacet undassqualet inops pecudum, nullis habitata colonis,