<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:stoa0045.stoa011.perseus-lat2:20.1-20.20</requestUrn>
            </request>
            <reply>
                <urn>urn:cts:latinLit:stoa0045.stoa011.perseus-lat2:20.1-20.20</urn>
                <passage>
                    <TEI xmlns="http://www.tei-c.org/ns/1.0"><text><body><div n="urn:cts:latinLit:stoa0045.stoa011.perseus-lat2" xml:lang="lat" type="edition"><div type="textpart" n="20" subtype="letter"><l n="1">debeo et hanc nostris, fili dulcissime, curis</l><l n="2">historiam: quamquam titulo non digna sereno</l><l n="3">anxia maestarum fuerit querimonia rerum.</l><l n="4">Iam super egelidae stagnantia terga Mosellae</l><l n="5">protulerat te, nate, ratis maestique parentis </l><l n="6">oscula et amplexus discreverat invidus amnis,</l><l n="7">solus ego et quamvis coetu celebratus amico</l><l n="8">solus eram profugaeque dabam pia vota carinae</l><l n="9">solus adhuc te, nate, videns; celerisque remulci</l><l n="10">culpabam properos adverso flumine cursus. </l><l n="11">quis fuit ille dies? non annus longior ille est,</l><l n="12">Attica quem docti collegit cura Metonis.</l><l n="13">desertus vacuis solisque exerceor oris.</l><l n="14">nunc ego pubentes salicum deverbero frondes,</l><l n="15">gramineos nunc frango toros viridesque per ulvas </l><l n="16">lubrica substratis vestigia libro lapidis,</l><l n="17">sic lux prima abiit, sic altera meta diei,</l><l n="18">sic geminas alterna rotat vertigo tenebras,</l><l n="19">sic alias: totusque mihi sic annus abibit,</l><l n="20">restituant donec tua me tibi fata parentem. </l></div></div></body></text></TEI>
                </passage>
            </reply>
            </GetPassage>