<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:stoa0023.stoa001.perseus-lat2:31.2.1-31.2.20</requestUrn>
            </request>
            <reply>
                <urn>urn:cts:latinLit:stoa0023.stoa001.perseus-lat2:31.2.1-31.2.20</urn>
                <passage>
                    <TEI xmlns="http://www.tei-c.org/ns/1.0"><text><body><div xml:lang="lat" type="edition" n="urn:cts:latinLit:stoa0023.stoa001.perseus-lat2"><div type="textpart" n="31" subtype="book"><div type="textpart" n="2" subtype="chapter"><div type="textpart" subtype="section" n="1"><p rend="indent">Totius autem sementem exitii et cladum originem diversarum, quas Martius furor incendio insolito<note><foreign xml:lang="lat">insolito,</foreign> Pet.; <foreign xml:lang="lat">incensio et solito,</foreign> V.</note> miscendo cuncta concivit, hanc comperimus causam. Hunorum gens monumentis veteribus leviter nota, ultra paludes Maeoticas glacialem oceanum accolens, omnem modum feritatis excedit. </p></div><div type="textpart" subtype="section" n="2"><p>Ubi quoniam ab ipsis nascendi primitiis infantum ferro sulcantur altius genae, ut pilorum vigor tempestivus emergens, corrugatis cicatricibus hebetetur, senescunt imberbes absque ulla venustate, spadonibus similes, compactis omnes firmisque membris et opimis cervicibus, prodigiose<note><foreign xml:lang="lat">prodigiose,</foreign> V, Kell., Corn.</note> deformes<note><foreign xml:lang="lat">deformes,</foreign> A, Kell., Corn.; <foreign xml:lang="lat">formae</foreign>, E; <foreign xml:lang="lat">formes,</foreign> V.</note> et pandi, ut bipedes existimes bestias, vel quales in commarginandis pontibus effigiati stipites dolantur incompte. </p></div><div type="textpart" subtype="section" n="3"><p>In hominum autem figura, licet insuavi, ita victu<note><foreign xml:lang="lat">ita uictu,</foreign> Her.; <foreign xml:lang="lat">ita uisi,</foreign> Val.; <foreign xml:lang="lat">ta nisi,</foreign> V.</note> sunt asperi, ut neque igni neque saporatis indigeant cibis, <pb n="v3.p.382"/> sed radicibus herbarum agrestium, et semicruda cuiusvis pecoris carne vescantur, quam inter femora sua equorumque<note><foreign xml:lang="lat">equorumque,</foreign> E, Gardt.; <foreign xml:lang="lat">uectorumque,</foreign> Pet. (cf. Apuleius); <foreign xml:lang="lat">uaporumque,</foreign> V.</note> terga subsertam, fotu calefaciunt brevi. </p></div><div type="textpart" subtype="section" n="4"><p>Aedificiis nullis umquam tecti, sed haec velut ab usu communi discreta sepulcra declinant. Nec enim apud eos vel arundine fastigatum reperiri tugurium potest. Sed vagi montes peragrantes et silvas, pruinas famem sitimque perferre ab incunabulis adsuescunt. Peregre tecta (nisi adigente maxima necessitate) non subeunt: nec enim<note><foreign xml:lang="lat">enim apud eos,</foreign> V; <foreign xml:lang="lat">apud eos</foreign> del. C. F. W. M. (cf. § 4, line 3).</note> se tutos<note><foreign xml:lang="lat">se tutos,</foreign> C. F. W. M.; <foreign xml:lang="lat">secures,</foreign> EA; <foreign xml:lang="lat">ecutos,</foreign> V.</note> existimant esse sub tectis morantes.<note><foreign xml:lang="lat">morantes,</foreign> added by Novák; lac. 10 letters, V.</note> </p></div><div type="textpart" subtype="section" n="5"><p>Indumentis operiuntur linteis vel ex pellibus silvestrium murum consarcinatis; nec alia illis domestica vestis est, alia forensis. Sed semel obsoleti coloris tunica collo inserta, non ante deponitur aut mutatur, quam diuturna carie in pannulos diffluxerit<note><foreign xml:lang="lat">diffluxerit,</foreign> Ernesti in Index; <foreign xml:lang="lat">defluxerit,</foreign> EA; deffluxerit, V.</note> defrustata. </p></div><div type="textpart" subtype="section" n="6"><p>Galeris incurvis capita tegunt, hirsuta crura coriis munientes haedinis, eorumque calcei formulis nullis aptati, vetant incedere gressibus liberis. Qua<note>qua, EA; qua ex, Clark; <foreign xml:lang="lat">quas,</foreign> V</note> causa ad pedestres parum adcommodati sunt pugnas, verum equis prope affixi, duris quidem sed deformibus, et muliebriter eisdem non numquam insidentes, funguntur muneribus consuetis. Ex ipsis quivis in hac natione pernox et perdius emit et vendit, cibumque sumit et potum, et inclinatus cervici angustae iumenti, in altum soporem ad usque varietatem effunditur somniorum. </p></div><div type="textpart" subtype="section" n="7"><p>Et deliberatione super rebus <pb n="v3.p.384"/> proposita seriis, hoc habitu omnes in commune consultant. Aguntur autem nulla severitate regali, sed tumultuario primatum ductu contenti, perrumpunt quicquid incident. </p></div><div type="textpart" subtype="section" n="8"><p>Et pugnant non<note><foreign xml:lang="lat">non,</foreign> deleted by Bent.</note> numquam lacessiti, ineuntes<note><foreign xml:lang="lat">sed ineuntes,</foreign> V; <foreign xml:lang="lat">sed,</foreign> deleted by Her. as correction of <foreign xml:lang="lat">sed</foreign> in § 7</note> proelia cuneatim, variis vocibus sonantibus torvum. Utque ad pernicitatem sunt leves et repentini, ita subito de industria dispersi incessunt,<note><foreign xml:lang="lat">incessunt,</foreign> Kellerbauer; <foreign xml:lang="lat">uigescunt,</foreign> W. Soisell; <foreign xml:lang="lat">iugescunt,</foreign> V.</note> et<note><foreign xml:lang="lat">et,</foreign> V; <foreign xml:lang="lat">ut,</foreign> Her.</note> incomposita acie, cum caede vasta discurrunt, nec invadentes vallum, nec castra inimica pilantes, prae nimia rapiditate cernuntur. </p></div><div type="textpart" subtype="section" n="9"><p>Eoque omnium acerrimos facile dixeris bellatores, quod procul missilibus telis, acutis ossibus pro spiculorum acumine, arte mira coagmentatis, et distantiis decursis<note><foreign xml:lang="lat">distantiis decursis,</foreign> Brackman; <foreign xml:lang="lat">sed distinct</foreign> (lac. 13 letters), V.</note> comminus ferro sine sui respectu confligunt, hostisque dum mucronum noxias observant, contortis laciniis illigant, ut laqueatis resistentium membris, equitandi vel gradiendi adimant facultatem. </p></div><div type="textpart" subtype="section" n="10"><p>Nemo apud eos arat nec stivam aliquando contingit. Omnes enim sine sedibus fixis, absque lare vel lege aut victu stabili dispalantur, semper fugientium similes, cum carpentis in quibus habitant: ubi coniuges taetra illis vestimenta contexunt, et coeunt cum maritis, et pariunt, et ad usque <pb n="v3.p.386"/> pubertatem nutriunt pueros. Nullusque apud eos interrogatus respondere unde oritur potest, alibi conceptus natusque procul, et longius educatus. </p></div><div type="textpart" subtype="section" n="11"><p>Per indutias infidi et inconstantes,<note><foreign xml:lang="lat">et inconstantes,</foreign> Clark; <foreign xml:lang="lat">inconstantes,</foreign> N<hi rend="sup">2</hi>A; <foreign xml:lang="lat">infidi</foreign> (at end of line) <foreign xml:lang="lat">constantes,</foreign> V.</note> ad omnem auram incidentis spei novae perquam mobiles, totum furori incitatissimo tribuentes. Inconsultorum animalium ritu, quid honestum inhonestumve sit, penitus ignorantes, flexiloqui et obscuri, nullius religionis vel superstitionis reverentia aliquando districti, auri cupidine immensa flagrantes, adeo permutabiles et irasci faciles ut eodem aliquotiens die a sociis nullo irritante saepe desciscant, itidemque propitientur, nemine leniente.</p></div><div type="textpart" subtype="section" n="12"><p rend="indent">Hoc expeditum indomitumque hominum genus, externa praedandi aviditate flagrans immani, per rapinas finitimorum grassatum et caedes, ad usque Halanos pervenit, veteres Massagetas, qui unde sint vel quas incolant terras (quoniam <choice><corr>huc</corr><sic>hue</sic></choice> res prolapsa est), consentaneum est demonstrare, geographica perplexitate monstrata, quae diu multimoda tractans<note><foreign xml:lang="lat">multimoda tractans,</foreign> Pet.; <foreign xml:lang="lat">indagans acute,</foreign> Pighius (cf. Cic., <title>Verr.</title> 2, 2, 135); lac. Of 9 letters, V.</note> et varia, tandem repperit veritatis interna.<note><foreign xml:lang="lat">interna</foreign> (lac. 14 letters) <foreign xml:lang="lat">ad hister,</foreign> V.</note> </p></div><div type="textpart" subtype="section" n="13"><p rend="indent">Abundans aquarum<note><foreign xml:lang="lat">abundans,</foreign> Gardt.; <foreign xml:lang="lat">aquarum,</foreign> added by Her.; <foreign xml:lang="lat">ad Ister</foreign>, A; <foreign xml:lang="lat">interna, amnium adauctus Hister,</foreign> Pighius (cf. xv. 4, 4; Mela, ii. 8, etc.).</note> Hister advenarum magnitudine fluenti Sauromatas praetermeat, ad usque amnem Tanaim pertinentes, qui Asiam terminat <pb n="v3.p.388"/> ab Europa. Hoc transito in immensum extentas Scythiae solitudines Halani inhabitant, ex montium appellatione cognominati, paulatimque nationes conterminas crebritate victoriarum attritas ad gentilitatem sui vocabuli traxerunt (ut Persae). </p></div><div type="textpart" subtype="section" n="14"><p>Inter hos Nervi mediterranea incolunt loca, vicini verticibus celsis, quos praeruptos geluque torpentes, aquilones adstringunt. Post quos Vidini sunt et Geloni, perquam feri, qui detractis peremptorum hostium cutibus, indumenta sibi equisque tegmina conficiunt bellatoria. Gelonis Agathyrsi collimitant, interstincti<note><foreign xml:lang="lat">interstincti,</foreign> Lind.; <foreign xml:lang="lat">interstincto,</foreign> V.</note> colore caeruleo corpora simul et crines, et humiles quidem minutis atque raris, nobiles vero latius<note><foreign xml:lang="lat">latius,</foreign> Bent.; <foreign xml:lang="lat">latis,</foreign> V.</note> fucatis et densioribus notis. </p></div><div type="textpart" subtype="section" n="15"><p>Post hos Melanchlaenas et Anthropophagos palari accepimus per diversa, humanis corporibus victitantes, quibus ob haec alimenta nefanda desertis, finitimi omnes longa petiere terrarum. Ideoque plaga omnis orienti aestivo obiecta, usque dum venitur ad Seras, inhabitabilis mansit. </p></div><div type="textpart" subtype="section" n="16"><p>Parte alia prope Amazonum sedes, Halani sunt <pb n="v3.p.390"/> orienti acclines,<note><foreign xml:lang="lat">acclines,</foreign> Lind.; <foreign xml:lang="lat">adcliues,</foreign> EA; <foreign xml:lang="lat">declines,</foreign> V.</note> diffusi per populosas gentes et amplas, Asiaticos vergentes in tractus, quas dilatari ad usque Gangen accepi, fluvium intersecantem terras Indorum, mareque inundantem australe.</p></div><div type="textpart" subtype="section" n="17"><p rend="indent">Hi bipertiti<note><foreign xml:lang="lat">hi bipertiti,</foreign> Her.; <foreign xml:lang="lat">bipertiti,</foreign> Gardt.; <foreign xml:lang="lat">ibi pertiti,</foreign> V.</note> per utramque mundi plagam Halani, quorum gentes varias nunc recensere non refert, licet dirempti spatiis longis, per pagos (ut Nomades) vagantur immensos, aevi tamen progressu, ad unum concessere vocabulum, et summatim omnes Halani cognominantur, ob<note><foreign xml:lang="lat">ob,</foreign> added by Val.; V omits.</note> mores et modum efferatum vivendi,<note><foreign xml:lang="lat">modum efferatum uiuendi,</foreign> Gardt.; <foreign xml:lang="lat">media et efferatam uiuendis,</foreign> V.</note> eandemque armaturam.<note><foreign xml:lang="lat">eandemque armaturam,</foreign> Gardt.; <foreign xml:lang="lat">similem et armaturam,</foreign> Val.; lac. indic. by Wagner, Eyssen.; <foreign xml:lang="lat">etiam inmatarum,</foreign> V.</note> </p></div><div type="textpart" subtype="section" n="18"><p>Nec enim ulla sunt illis vel<note>illis <foreign xml:lang="lat">uel,</foreign> Her. (cf. 2, 4); <foreign xml:lang="lat">illisce,</foreign> WA; <foreign xml:lang="lat">illis celtu gurria,</foreign> V.</note> tuguria, aut versandi vomeris cura, sed carne et copia victitant lactis, plaustris supersidentes, quae operimentis curvatis corticum per solitudines conferunt sine fine distentas. Cumque ad graminea venerint, in orbiculatam figuram locatis sarracis,<note><foreign xml:lang="lat">sarracis,</foreign> Lind.; <foreign xml:lang="lat">sarraclis,</foreign> V.</note> ferino ritu vescuntur, absumptisque pabulis velut carpentis civitates impositas vehunt, maresque supra cum feminis coeunt, et nascuntur in his et educantur infantes, et habitacula sunt haec illis perpetua, et quocumque ierint, illic genuinum existimant larem. </p></div><div type="textpart" subtype="section" n="19"><p>Armenta prae se agentes, cum gregibus pascunt, maximeque equini pecoris est eis sollicitior cura. Ibi campi semper herbescunt, intersitis pomiferis locis: atque ideo transeuntes quolibet, <pb n="v3.p.392"/> nec alimentis nec pabulis indigent, quod efficit umectum solum et crebri fluminum praetermeantium cursus. </p></div><div type="textpart" subtype="section" n="20"><p>Omnis igitur aetas et sexus imbellis, circa vehicula ipsa versatur,<note><foreign xml:lang="lat">uersatur</foreign>, V; <foreign xml:lang="lat">uersatus,</foreign> Her.</note> muniisque distringitur mollibus: iuventus vero equitandi usu a prima pueritia coalescens, incedere pedibus existimat vile, et omnes multiplici disciplina prudentes sunt bellatores. Unde etiam Persae, qui sunt originitus Scythae, pugnandi sunt peritissimi.</p></div></div></div></div></body></text></TEI>
                </passage>
            </reply>
            </GetPassage>