<GetPassage xmlns:tei="http://www.tei-c.org/ns/1.0" xmlns="http://chs.harvard.edu/xmlns/cts">
            <request>
                <requestName>GetPassage</requestName>
                <requestUrn>urn:cts:latinLit:stoa0023.stoa001.perseus-lat2:19.1.1-19.1.11</requestUrn>
            </request>
            <reply>
                <urn>urn:cts:latinLit:stoa0023.stoa001.perseus-lat2:19.1.1-19.1.11</urn>
                <passage>
                    <TEI xmlns="http://www.tei-c.org/ns/1.0"><text><body><div xml:lang="lat" type="edition" n="urn:cts:latinLit:stoa0023.stoa001.perseus-lat2"><div type="textpart" n="19" subtype="book"><div type="textpart" n="1" subtype="chapter"><div type="textpart" subtype="section" n="1"><p rend="indent">Hoc miserae nostrorum captivitatis eventu rex laetus, successusque operiens similes, egressus exinde paulatimque incedens, Amidam die tertio venit. </p></div><div type="textpart" subtype="section" n="2"><p>Cumque primum aurora fulgeret, universa quae videri poterant armis stellantibus coruscabant, ac ferreus equitatus campos opplevit et colles. </p></div><div type="textpart" subtype="section" n="3"><p>Insidens autem equo, ante alios celsior, ipse praeibat agminibus cunctis, aureum capitis arietini figmentum, interstinctum lapillis, pro diademate gestans, multiplici vertice dignitatum, et gentium diversarum comitatu sublimis. Satisque eum constabat, colloquio tenus defensores moenium temptaturum, aliorsum Antonini<note><foreign xml:lang="lat">Antonini dignitate (d.</foreign> del. m. 1?), V.</note> consilio festinantem. </p></div><div type="textpart" subtype="section" n="4"><p>Verum caeleste numen ut Romanae rei totius aerumnas intra unius regionis concluderet ambitum, adegerat in immensum se extollentem, credentemque quod viso statim obsessi omnes metu exanimati, supplices venirent in preces. </p></div><div type="textpart" subtype="section" n="5"><p>Portis obequitabat,<note><foreign xml:lang="lat">obequitabat,</foreign> V; <foreign xml:lang="lat">obequita</foreign> (lac. 1 line) <foreign xml:lang="lat">bat,</foreign> Clark.</note> comitante cohorte regali, qui dum se prope confidentius inserit, ut etiam vultus eius possit aperte cognosci, sagittis missilibusque ceteris, ob <pb n="v1.p.472"/> decora petitus insignia, corruisset, ni pulvere iaculantium adimente conspectum parte indumenti tragulae ictu discissa, editurus postea strages innumeras evasisset. </p></div><div type="textpart" subtype="section" n="6"><p>Hinc quasi in sacrilegos violati saeviens templi, temeratumque tot regum et gentium dominum praedicans, eruendae urbis apparatu nisibus magnis instabat, et orantibus potissimis ducibus ne profusus in iram a gloriosis descisceret coeptis, leni summatum petitione placatus, postridie quoque super deditione moneri decreverat defensores.</p></div><div type="textpart" subtype="section" n="7"><p rend="indent">Ideoque cum prima lux advenisset, rex Chionitarum Grumbates, fidenter domino suam<note><foreign xml:lang="lat">domino,</foreign> Thörnell; <foreign xml:lang="lat">Sapori s.,</foreign> Clark; suam, Eyssen.; <foreign xml:lang="lat">ano per amna baturus (b</foreign> to <foreign xml:lang="lat">u,</foreign> V<hi rend="sup">2</hi>), V.</note> operam navaturus, tendebat ad moenia, cum manu promptissima stipatorum, quem ubi venientem iam telo forte contiguum contemplator peritissimus advertisset, contorta ballista, filium eius primae pubis adulescentem, lateri paterno haerentem, thorace cum pectore perforato perfodit,<note><foreign xml:lang="lat">perfodit,</foreign> G; <foreign xml:lang="lat">praecipitem fudit,</foreign> Novk; <foreign xml:lang="lat">praefudit,</foreign> V.</note> proceritate et decore corporis aequalibus antestantem. </p></div><div type="textpart" subtype="section" n="8"><p>Cuius occasu in fugam dilapsi populares eius omnes, moxque ne raperetur, ratione iusta regressi, numerosas gentes ad arma clamoribus dissonis concitarunt, quarum concursu ritu grandinis hinc inde convolantibus telis, atrox committitur pugna. </p></div><div type="textpart" subtype="section" n="9"><p>Et post interneciva certamina, ad usque finem diei protenta, <pb n="v1.p.474"/> cum iam noctis esset initium, per acervos caesorum et scaturigines sanguinis aegre defensum caligine tenebrarum extrahitur corpus, ut apud Troiam quondam super comite Thessali ducis exanimi socii<note><foreign xml:lang="lat">exanimi socii Marte,</foreign> Pet.; <foreign xml:lang="lat">exanimes aciem arte,</foreign> V.</note> Marte acerrimo conflixerunt. </p></div><div type="textpart" subtype="section" n="10"><p>Quo funere regia maesta, et optimatibus universis cum parente subita clade perculsis, indicto iustitio, iuvenis nobilitate commendabilis et dilectus ritu nationis propriae lugebatur. Itaque ut armari solebat elatus, in amplo quodam suggestu locatur et celso, circaque eum lectuli decem sternuntur, figmenta vehentes hominum mortuorum, ita curate pollincta, ut imagines essent corporibus similes iam sepultis, ac per dierum spatium septem, viri quidem omnes per contubernia et manipulos epulis indulgebant, saltando, et cantando tristia quaedam genera naeniarum, regium iuvenem lamentantes. </p></div><div type="textpart" subtype="section" n="11"><p>Feminae vero miserabili planctu, in primaevo flore succisam spem gentis solitis fletibus conclamabant, ut lacrimare cultrices Veneris saepe spectantur, in sollemnibus Adonidis sacris, quod simulacrum aliquod esse frugum adultarum religiones mysticae docent.</p></div></div></div></div></body></text></TEI>
                </passage>
            </reply>
            </GetPassage>