STATIM et mortis et legum fratris sui vindex non minore impetu incaluit C.

Gracchus. Qui cum pari tumultu atque terrore plebem in avitos agros arcesseret, et recentem Attali hereditatem in alimenta populo polliceretur,

iamque nimius et inpotens altero tribunatu secunda plebe volitaret,

obrogare auso legibus suis Minucio tribuno, fretus inpotens Heinsius: potens codd. obrogare Vinetus: abrogare codd. comitum manu fatale familiae suae Capitolium invasit.

Inde proximorum caede depulsus cum se in Aventinum recepisset, inde quoque obvia senatus manu ab Opimio consule oppressus est.

Insultatum quoque mortis reliquiis, et illud sacrosanctum caput tribuni plebis percussoribus auro repensatum.