Nec abhorrebat moribus uxor Tullia, quae, ut virum regem salutaret, supra cruentum patrem vecta carpento consternatos equos exegit.
Sed ipse in senatum caedibus, in plebem verberibus, in omnis superbia, quae crudelitate gravior est bonis, grassatus, cum saevitiam domi fatigasset, tandem in hostes conversus est.
Sic valida Latio oppida capta sunt, Ardea, Ocricolum, Gabii,
Tum quoque cruentus in suos. Neque enim filium verberare dubitavit, ut simulanti trans-