et vasta Chalcis sonuit et voces Cyclasexcepit omnis; hinc petrae Capherides,hinc omne voces reddit Herculeas nemus. flentem videmus, volgus antiquam putatrabiem redisse; tum fugam famuli petunt.at ille voltus ignea torquens faceimum inter omnis sequitur et quaerit Lichan.complexus aras ille tremibunda manu mortem metu consumpsit et parvum suipoenae reliquit, dumque moribundum manutenuit cadaver: 'hac manu, hac' inquit 'ferar,o fata, victus? Herculem vicit Lichas?ecce alia clades: Hercules perimit Lichan. facta inquinentur: fiat hic summus labor.'in astra missus fertur et nubes vagospargit cruore; talis in caelum exilitharundo Getica visa dimitti manuaut quam Cydon excussit: inferius tamen et tela fugient, truncus in pontum cadit,in saxa vertex: unus ambobus iacet.