GetPassage urn:cts:latinLit:phi0959.phi005.perseus-lat2:801-814 urn:cts:latinLit:phi0959.phi005.perseus-lat2:801-814

Utilius sumas acuentes lumina rutas,Et quidquid Veneri corpora nostra negat.Quid tibi praecipiam de Bacchi munere, quaeris?Spe brevius monitis expediere meis.Vina parant animum Veneri, nisi plurima sumasEt stupeant multo corda sepulta mero.Nutritur vento, vento restinguitur ignis:Lenis alit flammas, grandior aura necat.Aut nulla ebrietas, aut tanta sit, ut tibi curasEripiat; siqua est inter utrumque, nocet.Hoc opus exegi: fessae date serta carinae;Contigimus portus, quo mihi cursus erat.Postmodo reddetis sacro pia vota poetae,Carmine sanati femina virque meo.