Quid, nisi secretae laeserunt Phyllida silvae?Certa necis causa est: incomitata fuit.Ibat, ut Edono referens trieterica BacchoIre solet fusis barbara turba comis,Et modo, qua poterat, longum spectabat in aequor,Nunc in harenosa lassa iacebat humo.'Perfide Demophoon!' surdas clamabat ad undas,Ruptaque singultu verba loquentis erant.Limes erat tenuis longa subnubilus umbra,Quo tulit illa suos ad mare saepe pedes.Nona terebatur miserae via: 'viderit!' inquit,Et spectat zonam pallida facta suam,Aspicit et ramos; dubitat, refugitque quod audetEt timet, et digitos ad sua colla refert.