Et sanum simula, ne, siquid forte dolebis,Sentiat; et ride, cum tibi flendus eris.Non ego te iubeo medias abrumpere curas:Non sunt imperii tam fera iussa mei.Quod non es, simula, positosque imitare furores:Sic facies vere, quod meditatus eris.Saepe ego, ne biberem, volui dormire videri:Dum videor, somno lumina victa dedi:Deceptum risi, qui se simularat amare,In laqueos auceps decideratque suos. Intrat amor mentes usu, dediscitur usu:Qui poterit sanum fingere, sanus erit.Dixerit, ut venias: pacta tibi nocte venito;Veneris, et fuerit ianua clausa: feres.