Vertere tu poteras homines in mille figuras,Non poteras animi vertere iura tui.Diceris his etiam, cum iam discedere vellet,Dulichium verbis detinuisse ducem:'Non ego, quod primo, memini, sperare solebam,Iam precor, ut coniunx tu meus esse velis;Et tamen, ut coniunx essem tua, digna videbar,Quod dea, quod magni filia Solis eram.Ne properes, oro; spatium pro munere posco:Quid minus optari per mea vota potest?Et freta mota vides, et debes illa timere:Utilior velis postmodo ventus erit.Quae tibi causa fugae? non hic nova Troia resurgit,Non aliquis socios rursus ad arma vocat.