GetPassage urn:cts:latinLit:phi0959.phi004.perseus-lat2:2.41-2.60 urn:cts:latinLit:phi0959.phi004.perseus-lat2:2.41-2.60

Per Styga detur iter, Stygias transnabimus undas;Sunt mihi naturae iura novanda meae.'Ingenium mala saepe movent: quis crederet umquamAërias hominem carpere posse vias?Remigium volucrum disponit in ordine pinnas,Et leve per lini vincula nectit opus,Imaque pars ceris adstringitur igne solutis,Finitusque novae iam labor artis erat.Tractabat ceramque puer pinnasque renidens,Nescius haec umeris arma parata suis.Cui pater 'his' inquit 'patria est adeunda carinis,Hac nobis Minos effugiendus ope.Aëra non potuit Minos, alia omnia clausit;Quem licet, inventis aëra rumpe meis.Sed tibi non virgo Tegeaea comesque BootaeEnsiger Orion aspiciendus erit: Me pinnis sectare datis; ego praevius ibo:Sit tua cura sequi; me duce tutus eris.Nam sive aetherias vicino sole per aurasIbimus, impatiens cera caloris erit: