GetPassage urn:cts:latinLit:phi0893.phi006.perseus-lat2:397-404 urn:cts:latinLit:phi0893.phi006.perseus-lat2:397-404

publica privatis secernere, sacra profanis, concubitu prohibere vago, dare iura maritis, oppida moliri, leges incidere ligno. sic honor et nomen divinis vatibus atque carminibus venit. post hos insignis Homerus Tyrtaeusque mares animos in Martia bella versibus exacuit; dictae per carmina sortes et vitae monstrata via est et gratia regum